بٸرەر كٷن بۇرىن جامبىل اۋدانىنداعى اسا ٶزەنٸندە سۋ مٶلشەرٸنٸڭ كٶبەيۋٸنەن «دوروجنيك» ساياجايىنا الىپ باراتىن جول بويىن سۋ باستى. الايدا تۇرعىندار مەن ٷيلەرگە ەشقانداي قاۋٸپ تٶنگەن جوق. ساياجاي باعىتىنداعى اۆتوكٶلٸكتەر قوزعالىسى «قاراتاۋ» بٶلٸمشەسٸ ارقىلى ٶتەتٸن جول بويىمەن, ال جاياۋ جٷرگٸنشٸلەر قاتىناسى اسا سۋ جٷيەسٸ ارقىلى جٷزەگە اسىرىلۋدا. سۋ دەڭگەيٸن باقىلاۋ-قاداعالاۋ ماقساتىندا جەرگٸلٸكتٸ اتقارۋشى ورگاندار قىزمەتكەرلەرٸنٸڭ تەۋلٸك بويعى كەزەكشٸلٸگٸ ۇيىمداستىرىلعان.
«باتىس ەۋروپا-باتىس قىتاي» اۆتوجولىنىڭ 515-شٸ شاقىرىمىندا جەرگٸلٸكتٸ اتقارۋشى ورگاندار كٷشٸمەن ۇزىندىعى 1100 مەترلٸك بٶگەتتٸ بەكەمدەپ, نىعايتۋ جۇمىستارى جٷرگٸزٸلۋدە. جاعالاۋ بويىنىڭ جاعدايى مەن سۋ دەڭگەيٸ جٸتٸ باقىلاۋدا.
ايتا كەتۋ كەرەك, ٷستٸمٸزدەگٸ جىلدىڭ 28 ناۋرىزىندا وبلىس ەكٸمٸ شۇعىل شتاب مەجٸلٸسٸن ٶتكٸزٸپ, وندا تاراز قالاسى مەن اۋداندار ەكٸمدەرٸنە, ٶڭٸردٸڭ مەملەكەتتٸك ورگاندارى مەن اپاتتىق-قۇتقارۋ قىزمەتتەرٸنە تيٸسٸنشە تاپسىرمالار بەرگەن بولاتىن.
