قمدب ەلىمىزدە بەتتى تۇمشالايتىن كيىمگە تىيىم سالىنۋىنا بايلانىستى مالىمدەمە جاسادى، دەپ حابارلايدى Dalanews.kz.
بۇگىندە ەلىمىزدە قوعامدىق قاۋىپسىزدىكتى قامتاماسىز ەتۋ، ازاماتتاردىڭ قۇقىقتارى مەن بوستاندىقتارىن قورعاۋ ماقساتىندا ءبىرقاتار زاڭنامالىق وزگەرىستەر ەنگىزىلۋدە. سونىڭ ءبىرى – بەت-الپەتىن تولىق جاباتىن كيىمگە (ونىڭ ءبىرى نيقاب) قوعامدىق ورىنداردا تىيىم سالۋ تۋرالى جاڭا شەكتەۋلەر.
"بۇل شەشىم قانداي دا ءبىر ءدىني سەنىمدى نەمەسە جەكە تاڭداۋدى شەكتەۋ ءۇشىن ەمەس، ەڭ الدىمەن قوعامدىق قاۋىپسىزدىكتى قامتاماسىز ەتۋ قاجەتتىلىگىنەن تۋىنداپ وتىر. قازىرگى تاڭدا الەمنىڭ كوپتەگەن ەلدەرى، ونىڭ ىشىندە مۇسىلمان ەلدەرى دە قاۋىپسىزدىك ماقساتىندا وسىنداي ۇستانىمدى قابىلداۋدا"، - دەلىنگەن جاۋاپتا.
قۇران اياتتارى مەن حاديستە باياندالعانداي ايەل كىسىلەر بەت-جۇزىن جابۋعا نەمەسە بۇركەمەلەۋگە مىندەتتەلمەگەن.
"بۇل حالقىمىزدىڭ داستۇرىندە دە كورىنىس تاپپاعان. ءبىز ەلىمىزدەگى مۇسىلمانداردىڭ ءبىرتۇتاس ءدىني بىرلەستىگى رەتىندە، قوعامداعى تۇراقتىلىق، ىنتىماق پەن بىرلىكتى باستى قۇندىلىقتارىمىزدىڭ ءبىرى دەپ باعالايمىز. يسلام ءدىنى دە قوعاممەن جاراسىمدى ءومىر ءسۇرۋدى، تارتىپكە باعىنىپ، مەملەكەتتىڭ تىنىشتىعىنا ۇلەس قوسۋدى ناسيحاتتايدى. سوندىقتان دا زاڭعا تۇسىنىستىكپەن قاراپ، ورتاق يگىلىك جولىندا بىرلىگىمىزدى بەكەمدەيىك"، - دەيدى قمدب وكىلدەرى.
ەسكە سالايىق، 30 ماۋسىمنان باستاپ قازاقستاندا بەت-جۇزدى بۇركەيتىن كيىم كيۋگە تىيىم سالىندى.
تىيىم سالۋ نورماسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىن، قۇقىق قورعاۋ جانە ارنايى مەملەكەتتىك ورگاندار، ازاماتتىق قورعاۋ ورگاندارى مەن اسكەري قىزمەتشىلەردىڭ تۇرعىن ۇيمەن قامتاماسىز ەتىلۋى مەن الەۋمەتتىك قورعالۋىن جەتىلدىرۋ، سونداي-اق ىشكى ىستەر ورگاندارى قىزمەتىندەگى ارتىق زاڭنامالىق رەتتەۋدى الىپ تاستاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭعا ەنگىزىلدى.
