2024 جىلى اقتاۋ اۋەجايى ماڭىندا اپاتقا ۇشىراعان AZAL («Azerbaijan Airlines») اۋە كومپانياسىنا تيەسىلى جولاۋشىلار ۇشاعىنا قاتىستى تەرگەۋ اياسىندا 100-گە جۋىق ساراپتاما تاعايىندالعان، دەپ حابارلايدى Dalanews.kz.
ازەربايجان باس پروكۋراتۋراسى تەرگەۋ باسقارماسىنىڭ باسشىسى نەيمات اۆازوۆ بريفينگ بارىسىندا قازىرگى ۋاقىتتا ساراپتامالاردىڭ كوپشىلىگى جۇرگىزىلگەنىن مالىمدەدى.
سوڭعى كۇندەرى ساراپشىلار توبىنىڭ ءبىر بولىگى قازاقستانعا ىسساپارمەن كەلىپ، ءتيىستى قۇرىلىمدارمەن كەڭ كولەمدى جانە جان-جاقتى كونسۋلتاسيالار وتكىزگەن.
وقيعاعا بايلانىستى تەرگەۋ جۇمىستارى ەكى ەلدە – ازەربايجان مەن قازاقستاندا – قاتار جۇرگىزىلىپ جاتىر.
ەسكە سالايىق، 2024 جىلعى 25 جەلتوقساندا اقتاۋ اۋەجايى ماڭىندا AZAL اۋە كومپانياسىنىڭ جولاۋشىلار ۇشاعى اپاتقا ۇشىراپ، سالدارىنان 38 ادام قازا تاۋىپ، 29 جولاۋشى جاراقات العان بولاتىن. BES.media دەرەگىنشە، اپاتقا قاتىستى العاشقى تەرگەۋ قورىتىندىلارى الداعى ۋاقىتتا جاريالانۋى مۇمكىن.
