2024 jyly Aqtaý áýejaiy mańynda apatqa ushyraǵan AZAL («Azerbaijan Airlines») áýe kompaniiasyna tiesili jolaýshylar ushaǵyna qatysty tergeý aiasynda 100-ge jýyq saraptama taǵaiyndalǵan, dep habarlaidy Dalanews.kz.
Ázerbaijan Bas prokýratýrasy Tergeý basqarmasynyń basshysy Neimat Avazov brifing barysynda qazirgi ýaqytta saraptamalardyń kópshiligi júrgizilgenin málimdedi.
Sońǵy kúnderi sarapshylar tobynyń bir bóligi Qazaqstanǵa issaparmen kelip, tiisti qurylymdarmen keń kólemdi jáne jan-jaqty konsýltatsiialar ótkizgen.
Oqiǵaǵa bailanysty tergeý jumystary eki elde – Ázerbaijan men Qazaqstanda – qatar júrgizilip jatyr.
Eske salaiyq, 2024 jylǵy 25 jeltoqsanda Aqtaý áýejaiy mańynda AZAL áýe kompaniiasynyń jolaýshylar ushaǵy apatqa ushyrap, saldarynan 38 adam qaza taýyp, 29 jolaýshy jaraqat alǵan bolatyn. BES.media dereginshe, apatqa qatysty alǵashqy tergeý qorytyndylary aldaǵy ýaqytta jariialanýy múmkin.
