كەيىنگى كەزدەرى جولاۋشىلار اراسىندا كاستەت، پىشاق، تاياقشا جانە تاعى باسقا سۋىق قارۋدى انىقتاۋ دەرەكتەرى جيىلەپ كەتكەن. باس كولىك پروكۋراتۋراسى وسى جاعدايعا قاتىستى مالىمدەمە جاسادى، دەپ حابارلايدى Dalanews.kz.
كەيىنگى 5 جىلدا وسىنداي دەرەكتەر بويىنشا 92 ادام سوتتالعان.
"استانا قالاسىنىڭ اۆياسيالىق كولىك پروكۋراتۋراسى مەن استانا قالاسىنىڭ اۋەجايىنداعى جەلىلىك پوليسيا ءبولىمى قىلمىستاردىڭ الدىن الۋعا باعىتتالعان پروفيلاكتيكالىق ءىس-شارالاردى جۇرگىزىپ جاتىر. وسىعان وراي ەلوردا اۋەجايىنىڭ اۋماعىندا سۋىق قارۋدى ءوز ەركىمەن تاپسىرۋ ءۇشىن ارنايى جاشىك ورناتتىق. قىلمىستىق كودەكستىڭ 287-بابىنىڭ ەسكەرتپەسىنە سايكەس سۋىق قارۋدى ءوز ەركىمەن تاپسىرعان ادامنىڭ ارەكەتىندە وزگە قىلمىس بەلگىلەرى بولماسا، قىلمىستىق جاۋاپتىلىقتان بوساتىلادى"، - دەپ جازىلعان حابارلامادا.
باس كولىك پروكۋراتۋراسى مالىمەتىنشە، بۇگىندە جولاۋشىلار سۋىق قارۋدى ءوز ەركىمەن تاپسىرىپ جاتىر.