Keiingi kezderi jolaýshylar arasynda kastet, pyshaq, taiaqsha jáne taǵy basqa sýyq qarýdy anyqtaý derekteri jiilep ketken. Bas kólik prokýratýrasy osy jaǵdaiǵa qatysty málimdeme jasady, dep habarlaidy Dalanews.kz.
Keiingi 5 jylda osyndai derekter boiynsha 92 adam sottalǵan.
"Astana qalasynyń Aviatsiialyq kólik prokýratýrasy men Astana qalasynyń áýejaiyndaǵy jelilik politsiia bólimi qylmystardyń aldyn alýǵa baǵyttalǵan profilaktikalyq is-sharalardy júrgizip jatyr. Osyǵan orai elorda áýejaiynyń aýmaǵynda sýyq qarýdy óz erkimen tapsyrý úshin arnaiy jáshik ornattyq. Qylmystyq kodekstiń 287-babynyń eskertpesine sáikes sýyq qarýdy óz erkimen tapsyrǵan adamnyń áreketinde ózge qylmys belgileri bolmasa, qylmystyq jaýaptylyqtan bosatylady", - dep jazylǵan habarlamada.
Bas kólik prokýratýrasy málimetinshe, búginde jolaýshylar sýyq qarýdy óz erkimen tapsyryp jatyr.
