الداعى كۇندەرى ايماقتا دالا كيىكتەرىنىڭ سانىن رەتتەۋ جۇمىستارى باستالادى. جوسپار بويىنشا جالپى پوپۋلياسيانىڭ 20%-ى، ياعني 460 مىڭ باس كيىك اۋلانادى.
بۇل جۇمىستاردى "وحوتزووپروم" مەكەمەسىنىڭ 4 بريگاداسى جۇرگىزەدى.
– قازىرگى تاڭدا اۋىل شارۋاشىلىعى مينيسترلىگىمەن بۇكىل رەگلامەنتتەر، ستاندارتتار بەلگىلەندى. مىسالى، ەت وندەۋ كونسەرۆىلەرىنە نەمەسە ەت وڭدەۋ كاسىپورىندارىنان بۇقتىرىلعان ەت رەتىندە دۇكەندەرگە شىعارىپ ساتۋ سياقتى بۇكىل ەرەجە بار. ەندى تەك سونى قاداعالاپ، ساپالى جۇمىس جاساۋىمىز كەرەك، – دەپ مالىمدەدى بقو اكىمىنىڭ ورىنباسارى قاليار ايتمۇحامبەتوۆ.
