يران ورمۋز بۇعازىن اقش, يزرايل جەنە ولاردىڭ وداقتاستارى ٷشٸن ۇزاق ۋاقىتقا جابا الاتىنىن مەلٸمدەدٸ. بۇل تۋرالى Press TV تەلەارناسىنا يراندىق شەنەۋنٸك ايتتى. ونىڭ سٶزٸنشە, ەل مۇنداي جاعدايدى جىلدار بويى ساقتاي الادى, دەپ حابارلايدى Dalanews.kz.
مۇنداي ۇستانىم اقش-تىڭ تاياۋ شىعىستاعى ەسكەري بازالارى مەن گارنيزوندارىن قامتاماسىز ەتۋگە قاجەت جابدىقتاردىڭ باسىم بٶلٸگٸ وسى تەڭٸز جولى ارقىلى تاسىمالدانعانىمەن بايلانىستى.
Press TV دەرەككٶزٸ تەگەران بۇعازداعى قوزعالىس بۇرىننان رەتتەلگەندە, قارسى تاراپتىڭ ايماقتاعى لوگيستيكالىق مٷمكٸندٸگٸ ەلسٸرەر ەدٸ دەپ ەسەپتەيتٸنٸن جەتكٸزدٸ.
بۇعان دەيٸن Al Jazeera يران ورمۋز بۇعازىنا كٸرۋ مەسەلەسٸندە ەلدەردٸ ٷش ساناتقا بٶلۋدٸ قاراستىرىپ وتىرعانىن حابارلاعان. ولار - قارسى, بەيتاراپ جەنە دوستاس ەلدەر. قارسى ەلدەرگە بۇعاز ارقىلى ٶتۋگە رۇقسات بەرٸلمەيدٸ, ال بەيتاراپ مەملەكەتتەر تٶلەم جاساۋعا تيٸس.
اقش پەن يزرايلدٸڭ تاياۋ شىعىستاعى ەسكەري ەرەكەتتەرٸ ورمۋز بۇعازى ارقىلى كەمە قاتىناسى كٷرت ازايۋىنا ەكەپ سوقتى. بۇل باعىت اراب ەلدەرٸنەن مۇناي مەن سۇيىتىلعان گاز جەتكٸزۋدەگٸ نەگٸزگٸ جول سانالادى. سونىڭ سالدارىنان ەلەمنٸڭ كٶپ ەلٸندە جانارماي باعاسى ٶسٸپ جاتىر.
قازٸر بۇل تەڭٸز جولىمەن يرانعا دوستاس ەلدەر عانا ٶتە الادى. Tasnim اگەنتتٸگٸنٸڭ دەرەگٸنشە, ولاردىڭ قاتارىندا رەسەي, قىتاي, ٷندٸستان, يراك جەنە پەكٸستان بار.
اقش پرەزيدەنتٸ دونالد ترامپ كەيبٸر ەۋروپالىق جەنە ازييالىق ەلدەردٸ بۇعازدى اشۋ ٷشٸن ايماققا كەمەلەر جٸبەرۋگە شاقىرعان, الايدا كٶپشٸلٸگٸ بۇل ۇسىنىستى قولداماعان.
جۋىردا تەگەران اراب ەلدەرٸ جەنە ازييالىق ەلدەر ٷشٸن بۇعازدى پايدالانۋ تەرتٸبٸن ايقىندايتىن "ورمۋز پاكتٸن" ەزٸرلەۋدٸ ۇسىندى.
