جىل باسىنان بەرى تۇركىستان وبلىسىنىڭ ەكونوميكاسى جوعارى قارقىنمەن دامىپ كەلەدى. ءوڭىردىڭ نەگىزگى الەۋمەتتىك-ەكونوميكالىق دامۋى باعىتىندا اتقارىلعان جۇيەلى جۇمىستاردىڭ ناتيجەسىندە قىسقا مەرزىمدى ەكونوميكالىق ءوسىم 120،4%-دى قۇرادى. وسىلايشا، 2025 جىلدىڭ العاشقى 5 ايىنىڭ قورىتىندىسى بويىنشا تۇركىستان ءوڭىرى قىسقا مەرزىمدى ەكونوميكالىق ءوسىم كورسەتكىشىمەن ەل بويىنشا كوش باستادى، - دەپ حابارلايدى Dalanews.kz

ءوڭىر ەكونوميكاسىنىڭ ءوسىمى، نەگىزىنەن، تاۋ-كەن، وڭدەۋ، ۋران وندىرىستەرى، قۇرىلىس يندۋسترياسى مەن اۋىل شارۋاشىلىعى سالاسىنداعى ىلگەرىلەۋ ەسەبىنەن ورىن الدى.

5 اي كولەمىندە تۇركىستان وبلىسىنداعى ونەركاسىپ ءونىم كولەمى 593،0 ملرد. تەڭگەنى قۇراپ، 14،8%-عا ارتتى. بەكىتىلگەن جوسپار 105،5%-عا ورىندالدى. ونىڭ ىشىندە، وڭدەۋ ونەركاسىبىنىڭ ۇلەسىندە – 280،4 ملرد. تەڭگە بولسا، تاۋ-كەن ونەركاسىبىندەگى وندىرىلگەن ءونىم كولەمى 259،6 ملرد. تەڭگەنى قۇرادى.

اۋىل شارۋاشىلىعىنداعى وندىرىلگەن ءونىم بويىنشا وبلىس رەسپۋبليكادا جوعارعى كورسەتكىشكە يە. بۇل سالادا وندىرىلگەن ءونىم كولەمى 194،3 ملرد. تەڭگەنى قۇراپ، ءوسىم 6،3%-عا ارتتى.

قۇرىلىس جۇمىستارىنىڭ كولەمى 117،4 ملرد. تەڭگەنى قۇراپ، ءوسىم 1،4 ەسە ارتتى. جىل باسىنان پايدالانۋعا بەرىلگەن تۇرعىن ءۇيدىڭ جالپى الاڭى 306،1 مىڭ شارشى مەترگە جەتىپ، جوسپار 125،5%-عا ورىندالدى.

ساۋدا كولەمى 269،7 ملرد. تەڭگەنى قۇراپ، جوسپار 1،6 ەسە ارتىعىمەن ورىندالدى.

كولىك جانە قويمالاۋ قىزمەتىنىڭ كولەمى 209،3 ملرد. تەڭگەنى قۇرادى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 23،4%-عا ارتقان.

بايلانىس قىزمەتىنىڭ كولەمى 4،9 ملرد. تەڭگەنى قۇراپ، 15،2%-عا ارتتى.

تۇركىستان وبلىسى – تۇراقتى دامۋ جولىنداعى مۇمكىندىگى مول ايماق. جوسپارلانعان مەجەگە قول جەتكىزۋ ءۇشىن ءتيىستى جۇمىستار جالعاسىن تابادى.