Jyl basynan beri Túrkistan oblysynyń ekonomıkasy joǵary qarqynmen damyp keledi. Óńirdiń negizgi áleýmettik-ekonomıkalyq damýy baǵytynda atqarylǵan júıeli jumystardyń nátıjesinde qysqa merzimdi ekonomıkalyq ósim 120,4%-dy qurady. Osylaısha, 2025 jyldyń alǵashqy 5 aıynyń qorytyndysy boıynsha Túrkistan óńiri qysqa merzimdi ekonomıkalyq ósim kórsetkishimen el boıynsha kósh bastady, - dep habarlaıdy Dalanews.kz

Óńir ekonomıkasynyń ósimi, negizinen, taý-ken, óńdeý, ýran óndiristeri, qurylys ındýstrıasy men aýyl sharýashylyǵy salasyndaǵy ilgerileý esebinen oryn aldy.

5 aı kóleminde Túrkistan oblysyndaǵy ónerkásip ónim kólemi 593,0 mlrd. teńgeni qurap, 14,8%-ǵa artty. Bekitilgen jospar 105,5%-ǵa oryndaldy. Onyń ishinde, óńdeý ónerkásibiniń úlesinde – 280,4 mlrd. teńge bolsa, taý-ken ónerkásibindegi óndirilgen ónim kólemi 259,6 mlrd. teńgeni qurady.

Aýyl sharýashylyǵyndaǵy óndirilgen ónim boıynsha oblys respýblıkada joǵarǵy kórsetkishke ıe. Bul salada óndirilgen ónim kólemi 194,3 mlrd. teńgeni qurap, ósim 6,3%-ǵa artty.

Qurylys jumystarynyń kólemi 117,4 mlrd. teńgeni qurap, ósim 1,4 ese artty. Jyl basynan paıdalanýǵa berilgen turǵyn úıdiń jalpy alańy 306,1 myń sharshy metrge jetip, jospar 125,5%-ǵa oryndaldy.

Saýda kólemi 269,7 mlrd. teńgeni qurap, jospar 1,6 ese artyǵymen oryndaldy.

Kólik jáne qoımalaý qyzmetiniń kólemi 209,3 mlrd. teńgeni qurady. Bul kórsetkish ótken jyldyń sáıkes kezeńimen salystyrǵanda 23,4%-ǵa artqan.

Baılanys qyzmetiniń kólemi 4,9 mlrd. teńgeni qurap, 15,2%-ǵa artty.

Túrkistan oblysy – turaqty damý jolyndaǵy múmkindigi mol aımaq. Josparlanǵan mejege qol jetkizý úshin tıisti jumystar jalǵasyn tabady.