بٷگٸن جەتٸسۋ وبلىسىندا «تازا قازاقستان» ەكولوگييالىق باعدارلاماسى اياسىندا جالپىوبلىستىق سەنبٸلٸك ٶتتٸ. اۋقىمدى شاراعا ٶڭٸردەگٸ بارلىق ەلدٸ مەكەندەردٸڭ تۇرعىندارى, مەملەكەتتٸك ورگانداردىڭ, كەسٸپورىندار مەن كوممۋنالدىق مەكەمەلەردٸڭ قىزمەتكەرلەرٸ, سونداي-اق ۆولونتەرلەر, ەكو-بەلسەندٸلەر جەنە ٷكٸمەتتٸك ەمەس ۇيىمداردىڭ ٶكٸلدەرٸ قاتىستى. وسى كٷنٸ تالدىقورعان قالاسىنداعى «قاراتال» شاعىن اۋدانىندا ورنالاسقان جەتٸسۋ ۋنيۆەرسيتەتٸنٸڭ ستۋدەنتتٸك جاتاقحاناسى اۋماعىندا وبلىس ەكٸمٸ بەيبٸت يساباەۆ جاستارمەن بٸرگە اۋماقتى كٶگالداندىرۋ جۇمىستارىنا قاتىسىپ, 50 قىلقان جاپىراقتى اعاش وتىرعىزدى. جالپى, بۇل سەنبٸلٸك اياسىندا وبلىس بويىنشا 8 مىڭنان استام اعاش وتىرعىزىلدى, دەپ حابارلايدى Dalanews.kz.
جاسىل جەلەكتەردٸ ەگٸپ بولعان سوڭ ٶڭٸر باسشىسى سەنبٸلٸككە كەلگەن جاستارمەن ەڭگٸمەلەسٸپ, ٶسكەلەڭ ۇرپاقتىڭ جان-جاقتى دامۋىنىڭ ماڭىزدىلىعىن اتاپ ٶتتٸ.
– بٷگٸنگٸ زامان – تسيفرلاندىرۋ عاسىرى, تسيفرلىق ساۋاتتىلىق جاستار ٷشٸن اسا قاجەت. ەكونوميكانىڭ دامۋى جاڭا تەحنولوگيياعا, تەرەڭ بٸلٸمگە, ەر ادامنىڭ ٶزٸن-ٶزٸ تەربيەلەۋٸنە, تابيعاتقا, قوعام ٸسٸنە جاۋاپكەرشٸلٸكپەن قاراۋعا تٸكەلەي بايلانىستى. سوندىقتان ٷنەمٸ بٸلٸم الىپ, ٷزدٸكسٸز ٶزدەرٸڭدٸ دامىپ وتىرۋ قاجەت, – دەدٸ بەيبٸت يساباەۆ.
تالدىقورعان قالاسى ەكٸمدٸگٸنٸڭ مەلٸمەتٸنشە, بٷگٸنگٸ سەنبٸلٸك بارىسىندا 2000 دانا شارۋاشىلىق قۇرال-جابدىعى تاراتىلىپ, 44 بٸرلٸك ارنايى تەحنيكا جۇمىلدىرىلدى, 238 توننا قوقىس شىعارىلدى. سونىمەن قاتار كٶگالداندىرۋ جۇمىستارىنا ەرەكشە كٶڭٸل بٶلٸنۋدە. بيىل تالدىقورعاندا 13 مىڭ اعاش وتىرعىزۋ جوسپارلانعان, ونىڭ 2 مىڭى كٶكتەمدە, 11 مىڭى كٷزدە ەگٸلمەك. قازٸرگٸ ۋاقىتتا 200-دەن استام كٶشەت وتىرعىزىلدى, قالعانى سەۋٸر ايىنىڭ سوڭىنا دەيٸن ەگٸلەدٸ. وتىرعىزىلعان اعاشتارعا كٷتٸم جاساۋ جۇمىسى دا جٷيەلٸ جٷرگٸزٸلەدٸ.
تازالىق شاراسى تۋرالى قاتىسۋشىلاردىڭ بٸرٸ سابينا نۇراحمەت پٸكٸر بٸلدٸردٸ:
– مەن «اۆيتسەننا» مەديتسينالىق كوللەدجٸنٸڭ 1-كۋرس ستۋدەنتٸمٸن. «مەيٸرگەر ٸسٸ» ماماندىعى بويىنشا بٸلٸم الىپ جاتىرمىن. وسىنداي قوعامدىق ٸس-شارالارعا ٷنەمٸ قاتىسامىن. بٷگٸن بٸز اعاش وتىرعىزىپ, اۋماقتى تازالاۋ جۇمىستارىنا اتسالىستىق. الداعى ۋاقىتتا دا وسى جاسىل جەلەكتەرگە كٷتٸم جاساۋعا قاتىساتىن بولامىز. تابيعاتقا قامقورلىق جاساۋ – بٸزدٸڭ پارىزىمىز, – دەدٸ ول.
سونداي-اق ەسكەلدٸ اۋدانى كٶكجازىق اۋىلىنىڭ تۇرعىنى دا وي قوستى:
– بٸز ەر سەنبٸ سايىن اۋىلىمىزدى تازالاۋ جۇمىستارىنا قاتىسامىز. بٷگٸن اعاش دٸڭدەرٸن ەكتەدٸك, اۋماقتى تازالاپ, قوقىستان ارىلتتىق. اۋىلىمىز تازا ەرٸ كٶرٸكتٸ بولعانىن قالايمىز, سوندىقتان وعان ٶز ٷلەسٸمٸزدٸ قوسامىز, - دەدٸ ول.
جالپى وبلىس بويىنشا سەنبٸلٸككە 15 مىڭنان استام ادام قاتىسىپ, 225 بٸرلٸك تەحنيكا جۇمىلدىرىلدى. ٶڭٸردٸڭ ەلدٸ مەكەندەرٸندە 8 مىڭنان استام اعاش وتىرعىزىلدى, ونىڭ 6800-ٸ جاپىراقتى, 1426-سى قىلقان جاپىراقتى اعاشتار.
ال جىل باسىنان بەرٸ وبلىستىڭ سانيتارلىق تازالىعىنا 37 مىڭنان استام ادام قاتىسىپ, 576 بٸرلٸك تەحنيكا پايدالانىلعان. سونىڭ نەتيجەسٸندە 3,9 مىڭ توننادان استام قوقىس شىعارىلىپ, شامامەن 19,9 مىڭ اعاش وتىرعىزىلدى.
تاعى بٸر اتاپ ٶتەرلٸگٸ, قازٸرگٸ ۋاقىتتا تالدىقورعان قالاسىندا اباتتاندىرۋ باعىتىنداعى ينفراقۇرىلىمدىق جوبالار جٷزەگە اسىرىلۋدا. سونىڭ بٸرٸ قاراتال ٶزەنٸنٸڭ جاعالاۋىندا 9 گەكتار اۋماقتا اۆتوماتتى سۋارۋ جٷيەسٸن ورناتۋ جۇمىستارى جٷرگٸزٸلٸپ جاتىر. اتالعان قۇرىلىس ۋچاسكەسٸنە جاۋاپتى باعدات تاسبولاتوۆتىڭ ايتۋىنشا, جۇمىستار ناۋرىز ايىندا باستالىپ, مامىر ايىنىڭ ورتاسىندا اياقتالادى, نىساندا شامامەن 40 ادام ەڭبەك ەتۋدە. قازٸرگٸ تاڭدا جالپى جۇمىس كٶلەمٸنٸڭ شامامەن 50%-ى ورىندالدى. 40 مىڭ شارشى مەتر جاسىل گازون اۋماعىندا 44 ماگنيتتٸك كلاپان ورناتىلىپ, ەر ايماق جەكە-جەكە سۋارىلاتىن بولادى. سۋمەن قامتاماسىز ەتۋ ٷشٸن جەكە ۇڭعىما قازىلۋدا.
وسىنداي جۇمىستار «جاستار» ساياباعىندا دا جٷرگٸزٸلۋدە, مۇندا جاڭبىرلاتىپ سۋارۋ جٷيەسٸ 4 گەكتار اۋماقتى قامتيدى. جوباعا مەردٸگەر ۇيىمنىڭ 20 جۇمىسشىسى مەن 12 بٸرلٸك تەحنيكاسى جۇمىلدىرىلعان. قازٸرگٸ ۋاقىتتا جۇمىستاردىڭ 30%-ى ورىندالدى, جوبانى بەلگٸلەنگەن مەرزٸمنەن بۇرىن — شامامەن ماۋسىم–شٸلدە ايلارىندا اياقتاۋ جوسپارلانىپ وتىر.
