12 ناۋرىزدان باستاپ قازاقستان جولدارىنداعى كامەرالار بۇرىن تەك قولمەن انىقتالعان ەڭ جيٸ جاسالاتىن قۇقىقبۇزۋشىلىقتاردى تٸركەي باستادى. سونىڭ بٸرٸ - كٶلٸك جٷرگٸزٸپ كەلە جاتىپ تەلەفون پايدالانۋ, دەپ حابارلايدى Dalanews.kz Tengri Auto باسىلىمىنا سٸلتەپ.
پوليتسييانىڭ مەلٸمەتٸنشە, زاڭعا ساي جٷرگٸزۋشٸ كٶلٸك تٸزگٸنٸندە وتىرعاندا تەلەفوندى قولىنا الماي عانا قولدانا الادى.
جٷرگٸزۋشٸ تەلەفوندى قولىندا ۇستاسا, ونىڭ قولدانىلۋى قۇقىقبۇزۋشىلىق سانالادى:
- سٶيلەسۋ;
- مەتٸن تەرۋ;
- حابارلاما وقۋ;
- قوسىمشالاردى پايدالانۋ;
- داۋىس حابارلاماسىن جازۋ, فوتو نەمەسە ۆيدەو تٷسٸرۋ.
ۆەدومستۆو ٶكٸلدەرٸ تەلەفوندى قولدا ۇستاۋعا تٸپتٸ قىسقا ۋاقىتقا توقتاعان كەزدە دە بولمايتىنىن اتاپ ٶتتٸ. مىسالى, باعدارشامدا نەمەسە كەپتەلٸستە تۇرعان سەتتە دە جٷرگٸزۋشٸ كٶلٸكتٸ باسقارىپ وتىر دەپ ەسەپتەلەدٸ.
پوليتسييا تاكسي جٷرگٸزۋشٸلەرٸ مەن كۋرەرلەر ٷشٸن دە تالاپ بٸردەي ەكەنٸن ايتتى. تەلەفوندى تەك ارنايى ۇستاعىشقا بەكٸتٸپ, ناۆيگاتور رەتٸندە پايدالانۋعا رۇقسات بار.
سونىمەن قاتار, تەلەفوندى قولدا ۇستاماي پايدالانۋعا مٷمكٸندٸك بەرەتٸن زاماناۋي بايلانىس قۇرالدارىنا تىيىم سالىنباعان. ولاردىڭ قاتارىندا:
- hands-free جٷيەسٸ;
- Bluetooth;
- كٶلٸكتەگٸ مۋلتيمەدييالىق جٷيەلەر;
- داۋىس ارقىلى باسقارۋ بار.
كامەرالار مۇنداي قۇقىقبۇزۋشىلىقتاردى قالاي تٸركەيتٸنٸ ناقتى ايتىلماعان. مىسالى, تەلەفون قۇلاققا تاقالماسا دا, قولدا تۇرسا, جٷيە ونى انىقتاي ما, ەلدە جوق پا, بەلگٸسٸز. سونداي-اق, قولداعى زات ناقتى تەلەفون ەكەنٸن قالاي ايىراتىنى دا تٷسٸندٸرٸلمەگەن.
بۇعان قوسا, تەحنيكالىق قاتەلٸك بولۋى مٷمكٸن بە دەگەن سۇراق تا اشىق كٷيٸندە قالىپ وتىر. مەسەلەن, ادام قۇلاعىنا جاي عانا قولىن تيگٸزٸپ كەلە جاتسا, جٷيە ونى قالاي باعالايتىنى بەلگٸسٸز.
بۇل جايتتارعا قاتىستى مەملەكەتتٸك ورگاندار ناقتى جاۋاپ بەرمەگەن.
