قازاقستاندا 2025 جىلدىڭ IV توقسانىندا ورتاشا ايلىق نومينالدى جالاقى 473 158 تەڭگەنٸ قۇرادى, دەپ حابارلايدى Dala News ۇلتتىق ستاتيستيكا بيۋروسىنىڭ دەرەكتەرٸنە سٸلتەمە جاساپ.
مەلٸمەتكە سەيكەس, مەديانالىق جالاقى 339 912 تەڭگە بولعان. بۇل كٶرسەتكٸش جالاقى دەڭگەيٸنٸڭ ورتالىق مەنٸن كٶرسەتەدٸ جەنە حالىقتىڭ باسىم بٶلٸگٸنٸڭ تابىسىنا جاقىن.
جىلدىق ٶسٸم 8,8% دەڭگەيٸندە تٸركەلدٸ. ياعني, ورتاشا جالاقى 2024 جىلدىڭ سەيكەس كەزەڭٸمەن سالىستىرعاندا ارتقان. الايدا ناقتى جالاقى يندەكسٸ 96,8% بولدى. بۇل ينفلياتسييا ەسەرٸنەن حالىقتىڭ ساتىپ الۋ قابٸلەتٸ تولىق ٶسپەگەنٸن بٸلدٸرەدٸ.
سونىمەن قاتار توقساندىق ديناميكا دا بايقالادى. 2025 جىلدىڭ III توقسانىمەن سالىستىرعاندا جالاقى 10,2%-عا ارتقان, ال ناقتى جالاقى يندەكسٸ 107,6% بولعان.
رەسمي دەرەككە سەيكەس, جالاقى ٶسٸمٸ نەگٸزٸنەن جىل سوڭىنداعى قوسىمشا تٶلەمدەر مەن سىياقىلار ەسەبٸنەن قالىپتاسقان.
سالالار بويىنشا ەڭ جوعارى ٶسٸم اۋىل, ورمان جەنە بالىق شارۋاشىلىعىندا تٸركەلدٸ – 25,9%. جىلجىمايتىن مٷلٸك وپەراتسييالارىندا ٶسٸم 14,5%, كٶلٸك جەنە قويمالاۋ سالاسىندا 11,9% بولدى. سونداي-اق اقپارات جەنە بايلانىس سالاسىندا 10,7%, ساۋدادا 10,3% ٶسٸم تٸركەلگەن.
ەلەۋمەتتٸك ماڭىزى جوعارى سالالاردا ٶسٸم تٶمەن دەڭگەيدە قالدى. اتاپ ايتقاندا, بٸلٸم بەرۋ سالاسىندا جالاقى 5,7%-عا, ال دەنساۋلىق ساقتاۋ جەنە ەلەۋمەتتٸك قىزمەت كٶرسەتۋ سالاسىندا 5,6%-عا ارتقان.
ٶڭٸرلٸك بٶلٸنٸستە ەڭ جوعارى ٶسٸم اقمولا وبلىسىندا تٸركەلدٸ – 17,4%. سولتٷستٸك قازاقستان وبلىسىندا ٶسٸم 13,1%, اباي وبلىسىندا 11,7%, الماتى قالاسىندا 11,5%, جەتٸسۋ وبلىسىندا 11,2% بولعان.
ۇلتتىق ستاتيستيكا بيۋروسىنىڭ مەلٸمەتٸنشە, ەڭ جوعارى جالاقى قارجى جەنە ساقتاندىرۋ قىزمەتٸندە تٸركەلگەن – ورتاشا دەڭگەيدەن 2,1 ەسە جوعارى. اقپارات جەنە بايلانىس سالاسىندا بۇل كٶرسەتكٸش 1,9 ەسە, ال كەسٸبي, عىلىمي جەنە تەحنيكالىق قىزمەتتە 1,5 ەسە جوعارى.
ايتا كەتەيٸك, 2025 جىلدىڭ 1 قاڭتارىنان باستاپ ەڭ تٶمەنگٸ جالاقى مٶلشەرٸ 85 000 تەڭگە بولىپ بەلگٸلەنگەن.
