جەتٸسۋ وبلىسى, الاكٶل اۋدانىنىڭ ەكٸمٸ الماس ەبدينوۆ الاكٶلدە دەمالۋ باعاسىنا قاتىستى ەلەۋمەتتٸك جەلٸلەردە ايتىلىپ جٷرگەن پٸكٸرلەرگە تٷسٸنٸكتەمە بەردٸ. كەيبٸر قازاقستاندىقتار الاكٶلدەگٸ دەمالىس باعاسى شەتەلدەگٸ تانىمال كۋرورتتاردان, تٸپتٸ مىسىردان دا قىمبات ەكەنٸن ايتىپ, نارازىلىق بٸلدٸرگەن بولاتىن,- دەپ حابارلايدى Dalanews.kz
باسپاسٶز جيىنىندا جۋرناليستەر ەكٸمنەن: "نەلٸكتەن كەيبٸر جەلٸ قولدانۋشىلارى الاكٶلدە دەمالۋ مىسىرعا بارعاننان دا قىمبات دەپ سانايدى?" – دەگەن سۇراق قويدى.
— بۇل – نارىق. بٸرەۋ مىسىرعا بارادى, بۇل – ونىڭ تاڭداۋى. مەن الاكٶلدە دەمالۋ قىمبات دەپ ايتپاس ەدٸم. مۇنىڭ بەرٸ قىزمەت كٶرسەتۋ ساپاسى مەن تۋريستٸڭ تالعامىنا بايلانىستى. يە, بٸزدە باعاسى جوعارى دەمالىس ورىندارى بار, سەبەبٸ ولار جوعارى دەڭگەيدە قىزمەت كٶرسەتەدٸ. بٸراق ارزانداۋ نۇسقالار دا بار – كٷنٸنە 17-20 مىڭ تەڭگەگە ٷش مەزگٸل تاماقپەن. ال ەڭ قىمبات بٶلمەلەر 100 مىڭ تەڭگەدەن اسادى, تٸپتٸ 300 مىڭ تەڭگەگە دەيٸن باراتىن ورىندار دا بار. بۇل ەركٸمنٸڭ تاڭداۋىنا بايلانىستى. جالپى ەل بويىنشا بەلگٸلٸ بٸر باعا ساياساتىن نەمەسە نورماتيۆتەردٸ ەزٸرلەۋ قاجەت شىعار. قاراپ وتىرساق, تٸپتٸ قىمبات قوناق ٷيلەردە دە بوس ورىن جوق, – دەدٸ الماس ەبدينوۆ.
سونىمەن قاتار, ەكٸم قوناقتار تاراپىنان جيٸ ايتىلاتىن ۋشارال ەۋەجايى مەن تەمٸرجول ۆوكزالىنان اقشي مەن كٶكتۇما دەمالىس ايماقتارىنا دەيٸنگٸ تاكسي باعاسىنا قاتىستى پٸكٸر بٸلدٸردٸ.
— بۇل راسىندا كٷردەلٸ مەسەلە. اقشي اۋىلىندا تۇراقتى اۆتوبۋس باعىتىن ٸسكە قوسۋ ٷشٸن سۋبسيدييا بٶلٸنٸپ, قازٸر كونكۋرس رەسٸمدەرٸ ٶتٸپ جاتىر. سونىمەن بٸرگە, كٶپتەگەن قىمبات قوناق ٷيلەر مەن كۋرورتتىق كەشەندەر ٶز كليەنتتەرٸنە ترانسفەردٸ ٶزدەرٸ ۇيىمداستىرادى. سوندىقتان ولاردىڭ باعاسى دا جوعارى, – دەدٸ ەكٸم.
ەكٸم تاكسي جٷرگٸزۋشٸلەرٸنٸڭ ەرەكەتٸنە بايلانىستى دا پٸكٸر بٸلدٸردٸ.
— مەن جٷرگٸزۋشٸلەرمەن دە سٶيلەستٸم. ولار ەرتٷرلٸ جاۋاپ بەرەدٸ. مەن ولارعا "جول جاقسى, بەنزين قىمباتتاپ جاتقان جوق" دەسەم, ولار بەرٸ نارىققا تٸرەلەتٸنٸن ايتادى. كەيبٸر تاكسي جٷرگٸزۋشٸلەرٸنەن "رەسمي تٸركەلدٸڭ بە" دەپ سۇراسام, ناقتى جاۋاپ بەرۋدەن جالتارادى. بۇل مەسەلەگە قاتىستى جۇمىس ٸستەپ جاتىرمىز جەنە باقىلاۋدا ۇستاپ وتىرمىز, – دەدٸ ول.
