2026 جىلعى 3 سەۋٸردە استانا ۋاقىتىمەن ساعات 21:13-تە جەر سٸلكٸنٸسٸ تٸركەلدٸ, دەپ حابارلايدى Dala News تجم سەيسمولوگييا ينستيتۋتىنا سٸلتەمە جاساپ.
جەراستى دٷمپۋٸنٸڭ ەپيتسەنترٸ الماتى قالاسىنان وڭتٷستٸك-باتىسقا قاراي 853 شاقىرىم جەردە, اۋعانستان اۋماعىندا ورنالاسقان.
سەيسميكالىق تولقىندار قازاقستاننىڭ بٸرقاتار ٶڭٸرلەرٸندە 2 بالل دەڭگەيٸندە سەزٸلدٸ. اتاپ ايتقاندا, تٷركٸستان وبلىسىنىڭ ماقتاارال, جەتٸساي, كەلەس, سارىاعاش, شاردارا, قازىعۇرت, تٶلەبي, سايرام, تٷلكٸباس, وتىرار, بەيدٸبەك, سوزاق, ساۋران اۋداندارى مەن تٷركٸستان, كەنتاۋ, ارىس قالالارىندا بايقالعان.
سونداي-اق شىمكەنت قالاسىندا جەنە جامبىل وبلىسىنىڭ تاراز, قورداي, مەركە, بايزاق, جۋالى, تالاس, سارىسۋ اۋداندارىندا دا جەر سٸلكٸنٸسٸ 2 بالل شاماسىندا سەزٸلگەن.
الدىن الا مەلٸمەت بويىنشا زارداپ شەككەندەر مەن قيراۋلار تٸركەلگەن جوق.
