سۋداعى جەنە ٶرت قاۋٸپسٸزدٸگٸن, سول سيياقتى قوعامدىق تەرتٸپتٸ قامتاماسىز ەتۋ ٷشٸن بيىلعى شومىلۋ ماۋسىمىندا الاكٶل جاعالاۋىنا تٶتەنشە جاعدايلار دەپارتامەنتٸ قۇتقارۋ بٶلٸمشەلەرٸنٸڭ قۇتقارۋشىلارى, كٶلٸكتٸك باقىلاۋ ينسپەكتسيياسىنىڭ ماماندارى, پوليتسييا دەپارتامەنتٸنٸڭ قىزمەتكەرلەرٸ جۇمىلدىرىلعان. قاۋٸپسٸزدٸك پەن قوعامدىق تەرتٸپتٸ قاداعالاۋدا درونداردىڭ جەنە بەينەكامەرالاردىڭ مٷمكٸندٸگٸ كەڭٸنەن پايدالانىلادى,- دەپ حابارلايدى Dalanews.kz
تىيىم سالىنعان جەرلەردە سۋ كٶلٸكتەرٸنٸڭ باقىلاۋسىز قوزعالىسى مەسەلەسٸن رەتتەۋ ماقساتىندا جەتٸسۋ وبلىسىندا سۋدى ورتاق پايدالانۋ ەرەجەسٸ بەكٸتٸلگەن بولاتىن. ەرەجەلەردٸڭ ساقتالۋىن كٶلٸكتٸك باقىلاۋ ينسپەكتسيياسى جٷرگٸزەدٸ, بۇل رەتتە ينسپەكتورلار سانى ۇلعايتىلدى, 3 سۋ كٶلٸك تۇراعى جەنە قۇقىق بۇزۋشىلارعا ارنالعان ارنايى 1 ايىپپۇل تۇراعى قاراستىرىلعان.
- وبلىس ەكٸمدٸگٸمەن بٸرلەسٸپ قابىلداعان جەنە جەرگٸلٸكتٸ مەسليحاتپەن بەكٸتٸلگەن سۋدى پايدالانۋ ەرەجەسٸندە سۋدا جٷزۋ قۇرالدارىن پايدالانۋ تالاپتارى ناقتى كٶرسەتٸلگەن. بۇل تالاپتاردىڭ ساقتالۋىن باقىلايتىن ينسپەكتورلار سانى جازعى شومىلۋ ماۋسىمىندا ارتتىرىلدى. كٶلٸك مينيسترلٸگٸنٸڭ قولداۋىمەن 4-7 شٸلدە ارالىعىندا الماتى قالاسىنان اقشي جاعالاۋىندا قىزمەت ەتۋگە قوسىمشا قىزمەتكەرلەر كەلەدٸ. ماۋسىم باستالعالى سۋدا جٷزۋ كٶلٸكتەرٸ تاراپىنان 23 قۇقىق بۇزۋشىلىق تٸركەلٸپ, ەكٸمشٸلٸك ايىپپۇل سالىندى. 12 شاعىن ٶلشەمدٸ كەمە ايىپپۇل تۇراعىنا قويىلدى. باستى ماقساتىمىز – جازالاۋ ەمەس, دەمالۋشىلاردىڭ قاۋٸپسٸزدٸگٸن قامتاماسىز ەتۋدە ەرەجەلەردٸڭ ساقتالۋىن قامتاماسىز ەتۋ, - دەيدٸ جەتٸسۋ وبلىسى بويىنشا كٶلٸكتٸك باقىلاۋ ينسپەكتسيياسىنىڭ باسشىسى داستان جۇماقۇلوۆ.
بيىلعى 5 ماۋسىمنان باستاپ الاكٶل اۋدانى اقشي جەنە كٶكتۇما اۋىلدارىنداعى كٶل جاعالاۋلارىندا قوعامدىق تەرتٸپتٸ قامتاماسىز ەتۋگە پوليتسييا قىزمەتكەرلەرٸ جۇمىلدىرىلعان. بۇدان بٶلەك جول پاترۋلٸندە ارنايى اۆتوەكيپاجدار قىزمەت ەتەدٸ.
- وسى جىلدىڭ 15 شٸلدەسٸنە دەيٸن وبلىس ەكٸمدٸگٸ تاراپىنان تٸرەك پۋنكتٸنە قوسىلعان 44 كامەرا اقشي اۋىلىنا, 9 كامەرا كٶكتۇما اۋىلىنا ورناتىلادى دەپ جوسپارلانعان. سونىمەن بٸرگە جاعالاۋدا دروندىق پاترۋلدەۋ جٷرگٸزٸلەدٸ. درون ارقىلى انىقتالعان قۇقىق بۇزۋشىلىقتار دەرەۋ ۋچاسكەلٸك ينسپەكتورعا بەرٸلٸپ, ەكٸمشٸلٸك شارا قولدانىلادى. مەسەلەن, وسى جىلى جول ەرەجەسٸن بۇزۋدى قوسپاعاندا, 28 ادامعا قوعامدىق ورىندا ٸشٸمدٸك ٸشۋ, زاڭسىز ساۋدا-ساتتىق, تازالىققا نۇسان كەلتٸرۋ فاكتٸلەرٸ بويىنشا شارا قولدانىلعان. دەگەنمەن ٶتكەن جىلدىڭ وسى كەزەڭٸمەن سالىستىرعاندا تەرتٸپ بۇزۋشىلىق ازايعانى بايقالدى. وعان زاماناۋي قۇرىلعىلاردى تيٸمدٸ پايدالانۋ ٶزٸنٸڭ وڭ ەسەرٸن تيگٸزٸپ وتىر, - دەيدٸ جەتٸسۋ وبلىسى پوليتسييا دەپارتامەنتٸ باستىعىنىڭ ورىنباسارى, پوليتسييا پولكوۆنيگٸ جاسۇلان بايكەنوۆ.
وسى رەتتە پوليتسييا قىزمەتٸندە وسىنداي 4 درون بولسا, تٶتەنشە جاعدايلار دەپارتامەنتٸنٸڭ جەدەل قۇتقارۋ توبىندا دەمالۋشىلاردىڭ قاۋٸپسٸزدٸگٸن قاداعالايتىن 2 درون قولدانىستا. اتالمىش ۇشۋ قۇرىلعىسى قاۋٸپتٸلٸك بەلگٸسٸنە جاقىن جەردە نەمەسە قاۋٸپتٸ جەرلەردە شومىلىپ جٷرگەن دەمالۋشىلاردى انىقتاپ, ولارعا درون ارقىلى ەسكەرتٸلٸپ, قاۋٸپتٸڭ الدى الىنادى. ۇشۋ قۇرىلعىسىنىڭ بۇدان باسقا دا پروفيلاكتيكالىق شارالارعا تيگٸزەر كٶمەگٸ زور. جالپى قۇتقارۋ بٶلٸمشەسٸنٸڭ قىزمەتكەرلەرٸ سۋعا شومىلۋعا قاۋٸپتٸ جەرلەردە بەلگٸلەر ورناتىپ, كٷن سايىن دەمالۋشىلار اراسىندا تٷسٸندٸرۋ جۇمىستارىن جٷرگٸزەدٸ, جادىنامالار تاراتادى.
سول سيياقتى اقشي اۋىلىندا دەرٸگەرلٸك امبۋلاتورييا, دەرٸحانا جەنە تەۋلٸك بويى جەدەل جەردەم جۇمىس ٸستەيدٸ. وبلىس ورتالىعىنان حيرۋرگتار, كارديولوگتار, تراۆماتولوگتار جەنە باسقا دا ماماندار بەلگٸلەنگەن كەستەگە سەيكەس ٸسساپارعا جٸبەرٸلەدٸ.
سونداي-اق جاعالاۋدىڭ سانيتارلىق ينفراقۇرىلىمىن جاقسارتۋ ٷشٸن بٸرقاتار شارالار قابىلداندى. بٷگٸنگە دەيٸن 22 سانيتارلىق-گيگيەنالىق توراپ قويىلعان. جالپى سانى 180 قوقىس كونتەينەرٸ ورناتىلدى.
