Sýdaǵy jáne órt qaýipsizdigin, sol siiaqty qoǵamdyq tártipti qamtamasyz etý úshin biylǵy shomylý maýsymynda Alakól jaǵalaýyna Tótenshe jaǵdailar departamenti qutqarý bólimsheleriniń qutqarýshylary, Kóliktik baqylaý inspektsiiasynyń mamandary, Politsiia departamentiniń qyzmetkerleri jumyldyrylǵan. Qaýipsizdik pen qoǵamdyq tártipti qadaǵalaýda drondardyń jáne beinekameralardyń múmkindigi keńinen paidalanylady,- dep habarlaidy Dalanews.kz
Tyiym salynǵan jerlerde sý kólikteriniń baqylaýsyz qozǵalysy máselesin retteý maqsatynda Jetisý oblysynda Sýdy ortaq paidalaný erejesi bekitilgen bolatyn. Erejelerdiń saqtalýyn kóliktik baqylaý inspektsiiasy júrgizedi, bul rette inspektorlar sany ulǵaityldy, 3 sý kólik turaǵy jáne quqyq buzýshylarǵa arnalǵan arnaiy 1 aiyppul turaǵy qarastyrylǵan.
- Oblys ákimdigimen birlesip qabyldaǵan jáne jergilikti máslihatpen bekitilgen Sýdy paidalaný erejesinde sýda júzý quraldaryn paidalaný talaptary naqty kórsetilgen. Bul talaptardyń saqtalýyn baqylaityn inspektorlar sany jazǵy shomylý maýsymynda arttyryldy. Kólik ministrliginiń qoldaýymen 4-7 shilde aralyǵynda Almaty qalasynan Aqshi jaǵalaýynda qyzmet etýge qosymsha qyzmetkerler keledi. Maýsym bastalǵaly sýda júzý kólikteri tarapynan 23 quqyq buzýshylyq tirkelip, ákimshilik aiyppul salyndy. 12 shaǵyn ólshemdi keme aiyppul turaǵyna qoiyldy. Basty maqsatymyz – jazalaý emes, demalýshylardyń qaýipsizdigin qamtamasyz etýde erejelerdiń saqtalýyn qamtamasyz etý, - deidi Jetisý oblysy boiynsha kóliktik baqylaý inspektsiiasynyń basshysy Dastan Jumaqulov.
Biylǵy 5 maýsymnan bastap Alakól aýdany Aqshi jáne Kóktuma aýyldaryndaǵy kól jaǵalaýlarynda qoǵamdyq tártipti qamtamasyz etýge politsiia qyzmetkerleri jumyldyrylǵan. Budan bólek jol patrýlinde arnaiy avtoekipajdar qyzmet etedi.
- Osy jyldyń 15 shildesine deiin oblys ákimdigi tarapynan tirek pýnktine qosylǵan 44 kamera Aqshi aýylyna, 9 kamera Kóktuma aýylyna ornatylady dep josparlanǵan. Sonymen birge jaǵalaýda drondyq patrýldeý júrgiziledi. Dron arqyly anyqtalǵan quqyq buzýshylyqtar dereý ýchaskelik inspektorǵa berilip, ákimshilik shara qoldanylady. Máselen, osy jyly jol erejesin buzýdy qospaǵanda, 28 adamǵa qoǵamdyq orynda ishimdik ishý, zańsyz saýda-sattyq, tazalyqqa nusan keltirý faktileri boiynsha shara qoldanylǵan. Degenmen ótken jyldyń osy kezeńimen salystyrǵanda tártip buzýshylyq azaiǵany baiqaldy. Oǵan zamanaýi qurylǵylardy tiimdi paidalaný óziniń oń áserin tigizip otyr, - deidi Jetisý oblysy Politsiia departamenti bastyǵynyń orynbasary, politsiia polkovnigi Jasulan Baikenov.
Osy rette Politsiia qyzmetinde osyndai 4 dron bolsa, Tótenshe jaǵdailar departamentiniń Jedel qutqarý tobynda demalýshylardyń qaýipsizdigin qadaǵalaityn 2 dron qoldanysta. Atalmysh ushý qurylǵysy qaýiptilik belgisine jaqyn jerde nemese qaýipti jerlerde shomylyp júrgen demalýshylardy anyqtap, olarǵa dron arqyly eskertilip, qaýiptiń aldy alynady. Ushý qurylǵysynyń budan basqa da profilaktikalyq sharalarǵa tigizer kómegi zor. Jalpy qutqarý bólimshesiniń qyzmetkerleri sýǵa shomylýǵa qaýipti jerlerde belgiler ornatyp, kún saiyn demalýshylar arasynda túsindirý jumystaryn júrgizedi, jadynamalar taratady.
Sol siiaqty Aqshi aýylynda dárigerlik ambýlatoriia, dárihana jáne táýlik boiy Jedel járdem jumys isteidi. Oblys ortalyǵynan hirýrgtar, kardiologtar, travmatologtar jáne basqa da mamandar belgilengen kestege sáikes issaparǵa jiberiledi.
Sondai-aq jaǵalaýdyń sanitarlyq infraqurylymyn jaqsartý úshin birqatar sharalar qabyldandy. Búginge deiin 22 sanitarlyq-gigienalyq torap qoiylǵan. Jalpy sany 180 qoqys konteineri ornatyldy.
