Tanymal prodiýser, ánshi Móldir Muqan burynǵy jubaiy Tursynbek Qabatovtyń densaýlyǵy syr bergen aýyr kezeńin eske aldy, dep habarlaidy Sn.kz aqparat portaly.
Onyń aitýynsha, sol qiyn sátte ózi Tursynbektiń janynda bolýǵa tyrysqan. Móldir Muqan bul oqiǵanyń ózine óte aýyr tigenin aitty.
"Aýyrǵan kezde ózim qasymda boldym. Sol sátterden foto-videolar áli bar. Ony bir dáleldeiin degen dúnie emes. Árine, meniń júregime tiedi. Ol sát men úshin óte aýyr. Dál sol aýyryp qalǵan ýaqytynda Tursynbek Almatyda boldy. Men sol kúni ǵana Almatydan Astanaǵa ushyp kelgen bolatynmyn. Sóitip qulap qaldy degen habar keldi. Birden keshki saǵat segizdegi ushaqqa qaitadan bilet aldym. Qasymda qurbym qoldap-qolpashtady. Sol kezde men ózim qulap qalýǵa shaq turdym. Kóz aldyma neshe túrli dúnieler keldi. Men qazir dárigerdiń aldyna barǵanda ol maǵan qandai habar beredi? degen qorqynyshty oilar keldi. 1 jarym saǵattyq jolyp 1 jarym ǵasyrdai boldy. Jete almai kettim Almatyǵa. Aýrýhanada dárigerler birden meni reanimatsiiaǵa apardy. Biraq kirgizbedi. Tursynbekpen videomen sóilestik. Ekeýmiz eki jaqtan eńirep jyladyq. Emdelgenshe qaita-qaita kelip júrdim", – dedi ol.
