Qonaev qalasynda «Ádilet» partiiasy Almaty oblystyq filialynyń konferentsiiasy ótti. Jiyn qorytyndysy boiynsha oblystyq filial basshysy, Saiasi keńes músheleri jáne baqylaý-tekserý komissiiasynyń quramy sailandy, dep habarlaidy dalanews.kz.
Kún tártibinde Memleket basshysy Qasym-Jomart Toqaevtyń «Jańa Konstitýtsiia – Jańa Dáýir» úndeýin qoldaý máselesi qaraldy. Sonymen qatar, delegattar oblystyq filialdyń basshylyq quramyn qalyptastyrý boiynsha sheshim qabyldady.
Ashyq daýys berý nátijesinde Daniiar Aldabergenuly Qasqaraýov «Ádilet» partiiasy Almaty oblystyq filialynyń basshysy bolyp sailandy. Ol kásipkerlik, qoǵamdyq jáne qoǵamdyq-saiasi qyzmette mol tájiribe jinaǵan. Jańa qyzmetinde Daniiar Qasqaraýov oblystyq filialdyń jumysyn úilestirip, partiianyń baǵdarlamalyq maqsattaryn iske asyrý jáne azamattarmen bailanysty nyǵaitý baǵytynda jumys júrgizedi.
Saiasi keńes quramyna kásipkerlik, bank sektory, óndiris, áleýmettik sala, mádeniet, sport, bilim, tabiǵat qorǵaý salasy, qoǵamdyq birlestikter, jastar uiymdary jáne óńirdiń qoǵamdyq-ekonomikalyq ómirine qatysy bar ózge de baǵyttardyń ókilderi endi.
Baqylaý-tekserý komissiiasynyń quramyna uiymdastyrýshylyq, qarjy-sharýashylyq, quqyqtyq jáne qoǵamdyq jumys tájiribesi bar mamandar sailandy.
Osylaisha, «Ádilet» partiiasy Almaty oblystyq filialynyń basshylyq quramy tolyq jasaqtaldy. Aldaǵy ýaqytta oblystyq filial óńir turǵyndarymen júieli jumys júrgizip, partiialyq bastamalardy iske asyrýǵa, sarapshylar qaýymdastyǵymen, kásipkerlermen jáne qoǵamdyq birlestiktermen ózara bailanysty kúsheitýge kirisedi.
