جەتٸسايدىڭ قاۋىن-قاربىزى ەۋروپعا جەتتٸ
بيىل جەتٸساي اۋدانىندا 77 مىڭ 274,6 گەكتارعا ەگٸس ەگٸلگەن. ونىڭ 3312,3 گەكتارى ەسكٸ جوڭىشقالىق سانالادى. بيىل جەتٸسايلىق شارۋالار جوڭىشقالىقتان گەكتارىنا ورتا ەسەپپەن 164,8 تسەنتنەردەن ٶنٸم الۋدا. قازٸردٸڭ ٶزٸندە جالپى الىنعان ٶنٸم كٶلەمٸ 54576,0 توننانى قۇرادى. جوڭىشقالىقتىڭ كەمٸندە 5 رەت ٶنٸم بەرەتٸنٸن ەسكەرسەك, بۇل كٶلەم تاعى دا ارتا تٷسۋٸ مٷمكٸن.
جىل باسىنان بەرٸ جەتٸسايلىق ديقاندار 30275,0 گەكتار القاپتى بيلوگييالىق ەدٸسپەن, 18838 گەكتاردى حيمييالىق ەدٸسپەن ٶڭدەۋدەن ٶتكٸزگەن. ونسىز تاعى بولمايدى. سوڭعى جىلدارى ماقتا داقىلىنىڭ ٶسٸپ, جەتٸلۋٸنە كەدەرگٸ كەلتٸرەتٸن زييانكەستەر قاتارى دا ارتىپ وتىرعانىن جاسىرۋعا بولماس. دەگەنمەن مۇنداعى شارۋالار ماقتاسىن زييانكەستەرگە جەگٸزٸپ قاتاراپ وتىرعان جوق. شاما-شارقى كەلگەنشە كٷرەسۋدە. بٷگٸندە جەتٸساي اۋدانىندا ماقتا ەگٸستٸگٸنٸڭ جالپى كٶلٸمٸ 48226,8 گەكتاردى قۇراپ وتىر. ماقتا ەگٸستٸگٸنٸڭ كٶلەمٸ جاعىنان جىلىسۋ اۋىل وكرۋگٸ كٶش باسىندا كەلەدٸ. بيىل جىلىسۋلىق ديقاندار 6477,9 گەكتارعا ماقتا دەنٸن سەپكەن.
اۋدانىمىزدا كٷرٸش ەگۋ ٷردٸسٸ دە قالىپتاسىپ كەلەدٸ. بيىل اۋداندا جالپى ەگٸلگەن كٷرٸش كٶلەمٸ 437,0 گەكتارعا جەتتٸ. كٷرٸش ەگۋدە 120 گەكتارمەن ماقتالى اۋىل وكرۋگٸنٸڭ ديقاندارىنا ەشكٸم بەسەكەلەس بولا المايدى.
جەتٸسايلىق ديقاندار ماش ەگۋدەن دە قالىس قالىپ وتىرعان جوق. ماشتىڭ اۋدانداعى جالپى كٶلەمٸ 86 گەكتارعا جەتكەن. بيىل اۋدانىمىزدا 4378 گەكتار جەرگە دەندٸ جٷگەرٸ ەگٸلسە, ونىڭ 63 گەكتارى ماقتالى اۋىل وكرۋگٸندە جايقالىپ تۇر. سونداي-اق, اۋدانىمىزدا 1840 گەكتار جەرگە سٷرلەمدٸك جٷگەرٸ ەگٸلسە, ونىڭ 434 گەكتارى قىزىلقۇم اۋىل وكرۋگٸنە تيەسٸلٸ.
جەتٸسايلىق ديقاندارعا كارتوپ ەگۋ ٸسٸ دە قات ەمەس. بيىل اۋداندا 85 گەكتار جەرگە كارتوپ ەگٸلسە, ديقاندار ەر گەكتاردان ورتاشا ەسەپپەن 171,7 تسەنتنەردەن ٶنٸم جيناعان. ال جالپى الىنعان ٶنٸم 1459 توننى قۇرادى.
بيىل جەتٸسايلىق باعباندار 839 گەكتارعا قىرىققابات ەگٸپ, باس-اياعى 30701,0 توننا ٶنٸم جيناعان. قىرىققابات ەگۋ ٸسٸندە اتامەكەن اۋىل وكرۋگٸ 370 گەكتارمەن الدىنا قارا سالدىرماي كەلەدٸ. بۇدان بٶلەك, اۋدانىمىزدا 218 گەكتارعا باكلاجان, 270 گەكتارعا بالگار بۇرىشى ەگٸلگەن.
بيىل اۋدانىمىزدا 15019 گەكتار جەرگە باقشا ٶنٸمدەرٸ ەگٸلٸپتٸ. ەزٸردٸڭ ٶزٸندە الىنعان ٶنٸم كٶلەمٸ 405046,2 تونناعا جۋىقتاعان. ونىڭ ٸشٸندە 8621 گەكتارعا قاۋىن ەگٸلسە, گەكتارىنا 269,3 تسەنتنەردەن ٶنٸم جينالۋدا. قازٸردٸڭ ٶزٸندە ديقاندار قاۋىننان 232184 توننا ٶنٸم جيناپ ٷلگەرگەن. بۇل كٶلەم كٷننەن كٷنگە ارتپاسا, كەمٸمەيدٸ. ٶيتكەنٸ قاۋىن جيناۋ ناۋقانى ەلٸ دە جالعاسۋدا.
ال قاربىزعا كەلسەك, بيىل جەتٸسايلىق ديقاندار 6397,8 گەكتارعا قاربىز ەكسە, ٶنٸمدٸلٸگٸ گەكتارىنا 270 تسەنتنەرگە دەيٸن ارتقان. بٷگٸنگە دەيٸن اۋدانىمىزدا 172862,2 توننا قاربىز ٶنٸمٸ جينالىپ, ارىسى ەۋروپا, بەرٸسٸ رەسەي ەلدەرٸنە جٶنەلتٸلۋدە. راس, سوڭعى جىلدارى مىرزاشٶلدٸكتەر قاۋىن-قاربىز ٶسٸرۋدە ورتا ازييادا كٶشباسىندا كەلەدٸ. بٷكiل رەسپۋبليكاعا «اق التىن» ٶسiرۋمەن تانىلعان ٸرٸلەنگەن ماقتاارال اۋدانىنىڭ شارۋالارى سوڭعى 10 جىلدا قاۋىن-قاربىز ەگۋمەن تٷپكٸلٸكتٸ اينالىسۋدا. مۇنداعى ديقاندار شامامەن جىلىنا 650-700 مىڭ توننادان استام قاۋىن-قاربىز جينايدى. سونىڭ شامامەن 450 مىڭ توننادايى ەكسپورتقا جول تارتادى. قاراپ وتىرساڭىز, جامان كٶرسەتكٸش ەمەس. پايداعا بەلشەدەن باتىپ قالماسا دا, كٷنكٶرٸسكە كەسٸپتەرٸ جاراپ-اق تۇر. مىرزاشٶلدٸكتەردٸڭ قاۋىن-قاربىز ٶسٸرۋدٸ جەتٸك مەڭگەرگەنٸ سونشالىق, مۇندا باقشا داقىلدارىنىڭ ەكسپورتقا جارامدى نەشە تٷرلٸ سۇرىپتارى ٶسٸرٸلەدٸ. بۇل دا بولسا ديقانداردىڭ سۇرانىسقا قاراي يكەمدەلٸپ العانىنىڭ كٶرٸنٸسٸ.
جەتٸساي اۋدانى ەكٸمٸنٸڭ باسپاسٶز قىزمەتٸ
