جەتىسۋ وبلىستىق بيكەن ريموۆا اتىنداعى دراما تەاترىندا قازاق ونەرىنىڭ مايتالماندارى — قازاقستاننىڭ حالىق ءارتيسى الماحان كەنجەبەكوۆا مەن قازاقستاننىڭ ەڭبەك سىڭىرگەن قايراتكەرى كەندەباي تەمىرباي ۇلىنىڭ 75 جىلدىق مەرەيتويىنا ارنالعان «ونەردە – 50، ومىردە – 75» اتتى شىعارماشىلىق كەش ءوتتى، دەپ حابارلايدى Dalanews.kz.
ءىس-شاراعا وبلىس اكىمى بەيبىت يسابايەۆ، بەلگىلى تەاتر جانە كينو قايراتكەرلەرى تۇڭعىشباي جامانقۇلوۆ، نۇرقانات جاقىپباي، داريعا تۇرانقۇلوۆا جانە ونەر سۇيەر قاۋىم قاتىستى.
كەش بارىسىندا ساحنا ساڭلاقتارىنىڭ ءومىرى مەن شىعارماشىلىعىنا ارنالعان كورمە ۇسىنىلىپ، ولاردىڭ قاتىسۋىمەن تۇسىرىلگەن فيلمدەر مەن سپەكتاكلدەردەن ۇزىندىلەر كورسەتىلدى.
«ونەردە دە، ومىردە دە تاعدىر جولى توعىسقان ساحنا ساڭلاقتارى كوپ ەمەس. سىزدەردىڭ ەسىمدەرىڭىزدى ءبىز ءاردايىم قۇرمەتپەن اتايمىز. جەتىسۋ تەاترىنىڭ قالىپتاسۋىنا قوسقان ەڭبەكتەرىڭىز ۇمىتىلمايدى»، — دەدى دەدى اكىم بەيبىت يسابايەۆ.
كەشتە اباي اتىنداعى وپەرا جانە بالەت تەاترىنىڭ ارتىستەرى، «قوڭىر» توبى مەن «يل-كانتو» كۆارتەتى ونەر كورسەتتى.
مەرەيتويلىق شارانىڭ ماقساتى — ۇلتتىق ساحنا ونەرىنىڭ دامۋىنا زور ۇلەس قوسقان قوس مايتالماننىڭ شىعارماشىلىق جولىن دارىپتەۋ جانە جاس اكتەرلەرگە ونەگە ەتۋ.
