تۇركىستان وبلىسىندا اتىس بولدى، دەپ حابارلايدى Dalanews.kz.
بۇل جايت 2 قاراشادا تۇنگى ۋاقىتتا تۇلكىباس اۋدانىندا بولعان.
"سالدارىنان ءبىر ادام قايتىس بولىپ، ءۇش ادام مەديسينالىق مەكەمەگە جەتكىزىلدى. ولارعا مەديسينالىق كومەك كورسەتىلىپ جاتىر"، - دەدى تۇركىستان وبلىسى پد باسپا ءسوز قىزمەتى وكىلى.
وقيعا ورنىنا اۋداندىق پوليسيا ءبولىمىنىڭ باسشىلىعى مەن جەدەل تەرگەۋ توبى دەرەۋ شىققان. ءىس-شارالار بارىسىندا از ۋاقىت ىشىندە كۇدىكتىلەر انىقتالعان.
ولاردىڭ ءبىرى قاماۋعا الىندى. "ادام ءولتىرۋ" بابىمەن قىلمىستىق ءىس قوزعالدى. ءقازىر تەرگەۋ جۇرگىزىلىپ جاتىر. تەرگەۋ بارىسى تۇركىستان وبلىسى پوليسيا دەپارتامەنتى باسشىلىعىنىڭ قاتاڭ باقىلاۋىندا.
