Silk Road Electronics ءوندىرىستى ۇلعايتىپ، 2026 جىلعى جاڭا تەحنيكا ۇلگىلەرىن شىعارۋدى باستادى، دەپ حابارلايدى Dalanews.kz.
قازاقستانداعى تۇرمىستىق تەحنيكانىڭ ەڭ ءىرى ءوندىرۋشىسى – Silk Road Electronics زاۋىتى 2025 جىلدىڭ ون ايىنىڭ قورىتىندىسىن جاريالادى. وسى كەزەڭدە كاسىپورىن 225،3 مىڭ دانا تۇرمىستىق تەحنيكا شىعاردى. تەك قازان ايىنىڭ وزىندە 44،4 مىڭ دانا ءونىمءوندىرىلىپ، جەرگىلىكتى ءوندىرىس مودەلىنىڭ تۇراقتى ءوسىمى مەن تيىمدىلىگىن كورسەتتى.
كاسىپورىن 2023 جىلدىڭ سوڭىندا بۇرىنعى قاراعاندى رەزەڭكە-تەحنيكالىق بۇيىمدار زاۋىتى كومبيناتىنىڭ ءبىر سەحىنىڭ بازاسىندا پايدالانۋعا بەرىلدى. كەڭ اۋقىمدى جاڭعىرتۋدان كەيىن مۇندا ساپا، ەنەرگيا تيىمدىلىگى جانە ونەركاسىپتىك قاۋىپسىزدىك بويىنشا حالىقارالىق ستاندارتتارعا ساي كەلەتىن زاماناۋي تولىق سيكلدى ونەركاسىپتىك كەشەن قۇرىلدى.
زاۋىت Panasonic، Gema، Guvencelik، Glorystar، Haitian جانە باسقا دا جەتەكشى الەمدىك وندىرۋشىلەردىڭ جابدىقتارىمەن قامتىلعان.
بۇگىندە كاسىپورىن تەلەديدارلار، كىر جۋعىش ماشينالار، سۋ جىلىتقىشتار، اس پەشتەرىمەن سورعىشتار، شاڭسورعىشتار جانە شاعىن پەشتەردى قامتيتىن جەتى ساناتتاعى تۇرمىستىق تەحنيكانى شىعارادى. نەگىزگى ونىمدەر Artel، Shivaki، Royal جانە وزگە دە سەرىكتەستىك برەندتەرمەن ۇسىنىلعان.
حالىقارالىق برەندتەرمەن ىنتىماقتاستىق – كومپانيانىڭ ماڭىزدى باعىتىنىڭ ءبىرى. 2025 جىلى Samsungماركاسىمەن 26 مىڭ تەلەديدار مەن كىر جۋعىش ماشينا ءوندىرىلدى، ولاردىڭ كەيبىر ۇلگىلەرىندە جاساندى ينتەللەكت پەن قازاق تىلىندەگى ينتەرفەيس بار. ءقازىردىڭ وزىندە Samsung تەلەديدارلارىنىڭ 2026 جىلعى ۇلگىلەرى مەن Artel برەندىمەن شىعارىلاتىن جاڭا 90 سەريالى اس پەشتەرىنىڭ ءوندىرىسى باستالدى. بۇل ونىمدەر زاماناۋي ديزاينىمەن، ەنەرگيا تيىمدىلىگىمەن جانە كەڭەيتىلگەن فۋنكسيالارىمەن ەرەكشەلەنەدى.
Silk Road Electronics ونىمدەرى قازاقستاننىڭ بارلىق ءىرى بولشەك ساۋدا جەلىلەرىندە – ەۆريكا، Technodom Operator، مەچتا ماركەت، Lider، Sulpak، بەلايا تەحنيكا، تەحنوGRAD، Alser جانە باسقا دۇكەندەردە ۇسىنىلعان. سونىمەن قاتار كاسىپورىن ەكسپورتتىق باعىتتى بەلسەندى دامىتىپ، تمد ەلدەرىنە جەتكىزىلىم كولەمىن ۇلعايتىپ كەلەدى. 2025 جىلدىڭ سوڭىنا دەيىن كومپانيا ءوندىرىس كولەمىن ارتتىرىپ، 2026 جىلعى ۇلگىدەگى سمارت-تەلەديدارلار مەن كىر جۋعىش ماشينالاردىڭ جاڭا سەرياسىن شىعارۋدى جوسپارلاپ وتىر.
Silk Road Electronics يندۋستريالاندىرۋ مەن يمپورتتى الماستىرۋ جونىندەگى مەملەكەتتىك ساياساتتى ىسكە اسىرۋعا ەلەۋلى ۇلەس قوسۋدا: جاڭا جۇمىس ورىندارىن اشىپ، جەرگىلىكتى جەتكىزۋ تىزبەكتەرىن دامىتىپ، ەلدىڭ تۇرمىستىق تەحنيكا يمپورتىنا تاۋەلدىلىگىن ازايتۋدا.
قاراعاندى وبلىسىنىڭ ساران قالاسىندا زاماناۋي كاسىپورىننىڭ قۇرىلۋى ءوڭىردىڭ الەۋمەتتىك-ەكونوميكالىق جاڭعىرۋىنىڭ نەگىزگى قوزعاۋشى كۇشىنە اينالدى. Silk Road Electronics جانە وزگە دە يندۋستريالىق جوبالاردىڭ ىسكە قوسىلۋىنىڭ ارقاسىندا قالا ورتالىق قازاقستاننىڭ جاڭا ونەركاسىپ ورتالىعىنا اينالىپ، جاڭا بۋىن ينجەنەرلىك مەكتەبى مەن وندىرىستىك ينفراقۇرىلىم دامىپ كەلەدى.
Silk Road Electronics تەك تۇرمىستىق تەحنيكا شىعارىپ قانا قويماي، حالىقارالىق ستاندارتتار مەن يننوۆاسيالىق تەحنولوگيالاردى جانە قازاقستاندىق ينجەنەرلىك الەۋەتتى بىرىكتىرە وتىرىپ، ۇلتتىق ءوندىرىستىڭ جاڭا مادەنيەتىن قالىپتاستىرۋدا.
