Silk Road Electronics óndiristi ulǵaıtyp, 2026 jylǵy jańa tehnıka úlgilerin shyǵarýdy bastady, dep habarlaıdy Dalanews.kz.
Qazaqstandaǵy turmystyq tehnıkanyń eń iri óndirýshisi – Silk Road Electronics zaýyty 2025 jyldyń on aıynyń qorytyndysyn jarıalady. Osy kezeńde kásiporyn 225,3 myń dana turmystyq tehnıka shyǵardy. Tek qazan aıynyń ózinde 44,4 myń dana ónimóndirilip, jergilikti óndiris modeliniń turaqty ósimi men tıimdiligin kórsetti.
Kásiporyn 2023 jyldyń sońynda burynǵy Qaraǵandy rezeńke-tehnıkalyq buıymdar zaýyty kombınatynyń bir sehynyń bazasynda paıdalanýǵa berildi. Keń aýqymdy jańǵyrtýdan keıin munda sapa, energıa tıimdiligi jáne ónerkásiptik qaýipsizdik boıynsha halyqaralyq standarttarǵa saı keletin zamanaýı tolyq sıkldi ónerkásiptik keshen quryldy.
Zaýyt Panasonic, Gema, Guvencelik, Glorystar, Haitian jáne basqa da jetekshi álemdik óndirýshilerdiń jabdyqtarymen qamtylǵan.
Búginde kásiporyn teledıdarlar, kir jýǵysh mashınalar, sý jylytqyshtar, as peshterimen sorǵyshtar, shańsorǵyshtar jáne shaǵyn peshterdi qamtıtyn jeti sanattaǵy turmystyq tehnıkany shyǵarady. Negizgi ónimder Artel, Shivaki, Royal jáne ózge de seriktestik brendtermen usynylǵan.
Halyqaralyq brendtermen yntymaqtastyq – kompanıanyń mańyzdy baǵytynyń biri. 2025 jyly Samsungmarkasymen 26 myń teledıdar men kir jýǵysh mashına óndirildi, olardyń keıbir úlgilerinde jasandy ıntellekt pen qazaq tilindegi ınterfeıs bar. Qazirdiń ózinde Samsung teledıdarlarynyń 2026 jylǵy úlgileri men Artel brendimen shyǵarylatyn jańa 90 serıaly as peshteriniń óndirisi bastaldy. Bul ónimder zamanaýı dızaınymen, energıa tıimdiligimen jáne keńeıtilgen fýnksıalarymen erekshelenedi.
Silk Road Electronics ónimderi Qazaqstannyń barlyq iri bólshek saýda jelilerinde – Evrıka, Technodom Operator, Mechta Market, Lider, Sulpak, Belaıa Tehnıka, TehnoGRAD, Alser jáne basqa dúkenderde usynylǵan. Sonymen qatar kásiporyn eksporttyq baǵytty belsendi damytyp, TMD elderine jetkizilim kólemin ulǵaıtyp keledi. 2025 jyldyń sońyna deıin kompanıa óndiris kólemin arttyryp, 2026 jylǵy úlgidegi smart-teledıdarlar men kir jýǵysh mashınalardyń jańa serıasyn shyǵarýdy josparlap otyr.
Silk Road Electronics ındýstrıalandyrý men ımportty almastyrý jónindegi memlekettik saıasatty iske asyrýǵa eleýli úles qosýda: jańa jumys oryndaryn ashyp, jergilikti jetkizý tizbekterin damytyp, eldiń turmystyq tehnıka ımportyna táýeldiligin azaıtýda.
Qaraǵandy oblysynyń Saran qalasynda zamanaýı kásiporynnyń qurylýy óńirdiń áleýmettik-ekonomıkalyq jańǵyrýynyń negizgi qozǵaýshy kúshine aınaldy. Silk Road Electronics jáne ózge de ındýstrıalyq jobalardyń iske qosylýynyń arqasynda qala Ortalyq Qazaqstannyń jańa ónerkásip ortalyǵyna aınalyp, jańa býyn ınjenerlik mektebi men óndiristik ınfraqurylym damyp keledi.
Silk Road Electronics tek turmystyq tehnıka shyǵaryp qana qoımaı, halyqaralyq standarttar men ınovasıalyq tehnologıalardy jáne qazaqstandyq ınjenerlik áleýetti biriktire otyryp, ulttyq óndiristiń jańa mádenıetin qalyptastyrýda.
