قازاقستاندا جاڭا سالىق كودەكسى قابىلداندى. وعان سايكەس، 2026 جىلدىڭ 1 قاڭتارىنان باستاپ جىلجىمايتىن مۇلىكتى ساتۋ كەزىندە كەيبىر جاعدايلاردا سالىق كولەمى 10-نان 15% - عا دەيىن وسەدى، دەپ حابارلايدى Dalanews.kz.
باسپانا ساتىپ الۋداعى قازىرگى جاعداي مەن الداعى جىلداعى جاعدايدى سالىستىرا وتىرىپ، اتالعان ماسەلەنىڭ ەگجەي-تەگجەيىن krisha.kz باسىلىمى جازادى.
سالىقتى قاشان تولەۋ كەرەك؟
ەگەر ءسىز باسپاناعا ءبىر جىلدان اسا ۋاقىت قانا يەلىك ەتىپ، ونى ساتقان بولساڭىز، وندا ودان تۇسكەن اقشادان سالىق تولەيسىز (ساتۋ باعاسى ساتىپ الۋ باعاسىنان جوعارى).
كەز كەلگەن مۇلىك ساتىلعاندا سالىق سالۋعا جاتادى: پاتەرلەر، ۇيلەر، ساياجايلار؛ قويمالار؛ اۆتوتۇراق نەمەسە گاراج؛ جەر ۋچاسكەسى.
قازىرگى جاعداي قالاي؟
ءقازىر سالىقتىڭ سىياقى مولشەرلەمەسى ساتۋ قۇنىنىڭ 10 %-ىن قۇرايدى. بۇل ەرەجە 2025 جىلدىڭ سوڭىنا دەيىن ءوز كۇشىندە بولادى.
ال جاڭا ەرەجە بويىنشا مەملەكەتكە تولەيتىن وسى سالىق كولەمى ازداپ ۇلعايادى
2026 جىلدىڭ 1 قاڭتاردان باستاپ جاڭا سالىق كودەكسى كۇشىنە ەنەدى. وندا جىلجىمايتىن مۇلىكتى ساتۋ كەزىندە الىناتىن سالىققا قاتىستى ەكى نەگىزگى وزگەرىس بار:
1. مەنشىك مەرزىمى ەكى جىلعا دەيىن ارتادى.
ساتىلىمنان تۇسكەن اقشادان سالىق تولەمەۋ ءۇشىن جىلجىمايتىن مۇلىك كەم دەگەندە جەكە تۇلعانىڭ اتىندا ەكى جىل بولۋى كەرەك. ياعني، يەلىك ەتۋ مەرزىمى تۋرا ەكى ەسەگە، ءبىر جىلدان ەكى جىلعا دەيىن ۇلعايتىلدى.
بۇل ارادا ەسكەرەتىن ماڭىزدى جايت: ەكى جىلدىق نورما تەك 2026 جىلدىڭ 1 قاڭتارىنان باستاپ جانە ودان كەيىن ساتىپ الىنعان جىلجىمايتىن مۇلىككە قاتىستى بولادى. ياعني، ءىس جۇزىندە بۇل سالىق 2028 جىلدىڭ 1 قاڭتارىنان باستاپ تولەنەدى.
ال جىلجىمايتىن مۇلىكتى 2025 جىلدىڭ سوڭىنا دەيىن ساتىپ العاندار ءۇشىن ەسكى ەرەجە قولدانىلادى: مەرزىمى ءبىر جىلدان اسسا، سالىق سالىنبايدى. 2026 جىلعا دەيىن پاتەر ساتىپ العاندار بۇرىنعى ەرەجە بويىنشا ارەكەت ەتەدى: ەگەر پاتەر ءبىر جىلدان استام ۋاقىت ءوز يەلىگىڭىزدە بولسا، وندا ساتۋ كەزىندە سالىق تولەۋدىڭ قاجەتى جوق.
2. سالىق مولشەرلەمەسى 15%-عا دەيىن قىمباتتايدى.
جتس-تىڭ بازالىق مولشەرلەمەسى وزگەرىسسىز قالادى: قۇن ءوسىمىنىڭ 10% (ساتىپ الۋ باعاسى مەن ساتۋ اراسىنداعى ايىرما). ءبىراق ەگەر پايدا 8500 اەك-تەن اساتىن بولسا، وندا وسى شەكتى دەڭگەيگە دەيىنگى سوماعا 10% مولشەرلەمە قولدانىلادى، ال ودان جوعارى كەز كەلگەن نارسەگە — 15 %.
جاڭا سالىق كودەكسىنە سايكەس، ساتۋدان تۇسكەن اقشا 8500 اەك-تەن اسسا (2025 جىلى بۇل شامامەن 33.4 ملن تەڭگە)، ول جوعارى پايدا بولىپ تابىلادى.
سالىقتى قالاي ەسەپتەيمىز؟
- پاتەر ساتىپ الىپ، ونى ءبىر جىلدان كەيىن ساتۋ. پايدا - 10 ملن تەڭگە.
- سالىق - 10% نەمەسە 1 ملن تەڭگە.
- 2،5 جىلدان كەيىن ساتۋ. پايدا - 40 ملن تەڭگە.
- سالىق - 0 تەڭگە، سەبەبى يەلىك ەتۋ مەرزىمى جەتكىلىكتى.
- ءبىر جىلدان كەيىن ساتۋ. پايدا - 50 ملن تەڭگە.
34 ملن-عا دەيىن 10% مولشەرلەمە بويىنشا سالىق سالىنادى: 3،4 ملن تەڭگە. بۇل شەكتى ماننەن اساتىن سوماعا (16 ملن) - 15% مولشەرلەمە: 2.4 ملن تەڭگە. سالىق - 5.8 ملن تەڭگە.
شەتەلدىكتەر (ق ر رەزيدەنتتەرى ەمەس) جىلجىمايتىن مۇلىكتى يەلەنۋ مەرزىمىنە قاراماستان 15% تولەيدى.
سالىقتى قالاي تولەۋگە بولادى؟
الدىمەن ءسىز دەكلاراسيا تاپسىرۋىڭىز كەرەك (270.00 نىسانى)، پاتەرىڭىزدى ساتقاننان كەيىن كەلەسى جىلدىڭ 15 قىركۇيەگىنە دەيىن.
سالىقتى تولەۋ كەرەك: 25 قىركۇيەككە دەيىن، ياعني ءوتىنىش بەرگەننەن كەيىن 10 كۇن ىشىندە.
ونى بىلاي جاساي الاسىز:
- E-Salyq Azamat ءموبيلدى قوسىمشاسى ارقىلى.
- eGov. kz سايتىندا.
- ەلەكتروندىق "سالىق تولەۋشىنىڭ كابينەتىندە".
- اۋداندىق مەملەكەتتىك كىرىستەر باسقارماسىنا جەكەلەي بارىپ.
سونىمەن قاتار، 1 قاڭتاردان باستاپ باي-باعلاندار سالىعى پايدا بولادى. ەگەر وبەكتىلەردىڭ جيىنتىق قۇنى 450 ملن تەڭگەدەن اساتىن بولسا، وندا وسىنداي سالىقتى تولەۋگە تۋرا كەلەدى.
