قازاقستاندا بٸلٸم بەرۋ سالاسىنداعى ەڭ ٸرٸ ەرٸ اۋقىمدى باستامالاردىڭ بٸرٸ – «كەلەشەك مەكتەپتەرٸ» ۇلتتىق جوباسى جٷزەگە اسىرىلىپ جاتىر. جوبا اياسىندا زاماناۋي, ساپالى ەرٸ جايلى بٸلٸم بەرۋ كەڭٸستٸكتەرٸ بوي كٶتەرٸپ, قالا مەن اۋىل اراسىنداعى بٸلٸم ساپاسىنىڭ الشاقتىعىن جويۋعا باعىتتالعان ناقتى قادامدار جاسالۋدا,- دەپ حابارلايدى Dalanews.kz
مەملەكەت باسشىسىنىڭ تاپسىرماسىمەن قولعا الىنعان «كەلەشەك مەكتەپتەرٸ» جوباسى 2023 جىلى باستالعان بولاتىن. ەكٸ جىل ٸشٸندە رەسپۋبليكا بويىنشا 217 جاڭا مەكتەپ سالۋ جوسپارلانعان. ونىڭ ٸشٸندە:
-
2024 جىلدىڭ قورىتىندىسى بويىنشا – 105 مەكتەپ سالىندى;
-
2025 جىلدىڭ سوڭىنا دەيٸن – تاعى 112 مەكتەپ پايدالانۋعا بەرٸلەدٸ;
-
نەتيجەسٸندە قوسىمشا 460 مىڭ وقۋشى ورنى اشىلادى.
مەكتەپتەردٸڭ جارتىسىنان استامى اۋىلدىق ٶڭٸرلەردە ورنالاسقان. بۇل – 200 مىڭنان استام اۋىل بالاسىنىڭ زاماناۋي ينفراقۇرىلىمى بار مەكتەپتەردە وقۋىنا مٷمكٸندٸك بەرەدٸ.
كەلەشەك مەكتەبٸنٸڭ ەرەكشەلٸگٸ نەدە?
جاڭا مەكتەپتەر تەك عيمارات قانا ەمەس, بٸلٸم بەرۋدٸڭ جاڭا مودەلٸنە نەگٸزدەلگەن ورتالىقتار بولماق. جوبا اياسىنداعى بٸلٸم وشاقتارىنىڭ ارتىقشىلىقتارى:
-
مەكتەپ اۋماعى بۇرىنعى تيپتٸك جوبالاردان 15–20%-عا كەڭ;
-
تەحنيكالىق جابدىقتالۋى 4 ەسەگە ارتىق;
-
ەر مەكتەپتە روبوتوتەحنيكا كابينەتتەرٸ, STEM-زەرتحانالار, حورەوگرافييا زالدارى, كوۆوركينگ ايماقتارى مەن تٶرت سپورت زالعا دەيٸن قاراستىرىلعان;
-
باستاۋىش جەنە جوعارى سىنىپتار ٷشٸن جەكە بلوكتار قاراستىرىلعان;
-
بارلىق نىساندار قاۋٸپسٸزدٸك تالاپتارىنا ساي جابدىقتالىپ, زاماناۋي جيھازبەن تولىقتىرىلعان.
"مەن وسى مەكتەپتە وقيتىنىما ٶتە قۋانىشتىمىن. مەكتەبٸمٸز ٷلكەن, جارىق جەنە تازا. ەسٸرەسە, كٸتاپحانا مەن IT كابينەتٸ قاتتى ۇنايدى. ٷزٸلٸس كەزٸندە دوستارىممەن كوۆوركينگ ايماعىندا وتىرامىز. جازدا دا مەكتەپ بوس تۇرمايدى – روبوتوتەحنيكا ٷيٸرمەسٸنە قاتىسىپ جٷرمٸن. مۇندا وقىعان ٶتە قىزىق ەرٸ ىڭعايلى", - دەيدٸ 6-سىنىپ وقۋشىسى ايارۋ ەبٸلقاسىم.
مەيرامبەك قاناتۇلى, اتا-انا:
"قىزىم №32 مەكتەپتٸڭ 3-سىنىبىندا وقيدى. بۇل – جاڭا فورماتتاعى, ناعىز زاماناۋي بٸلٸم ورداسى. سىنىپتار كەڭ, جارىق ەرٸ بالانىڭ وي-ٶرٸسٸن دامىتۋعا قاجەتتٸ قۇرالدارمەن جابدىقتالعان. مۇعالٸمدەر دە بٸلٸكتٸ, بالامەن جۇمىس ٸستەۋدە ەرەكشە تەسٸل قولدانادى. اتا-انا رەتٸندە بٸز دە مەكتەپپەن تىعىز بايلانىستامىز. مۇنداي مەكتەپتەردٸڭ سانى كٶبەيسە, ەلٸمٸزدٸڭ بولاشاعى جارقىن بولاتىنىنا سەنەمٸن".
جاس ماماندارعا جول اشىق
«كەلەشەك مەكتەپتەرٸ» جوباسى اياسىندا جاس پەداگوگتەردٸ قولداۋعا دا ەرەكشە نازار اۋدارىلىپ وتىر. قر وقۋ-اعارتۋ مينيسترٸنٸڭ 2025 جىلعى 31 ناۋرىزداعى №57 بۇيرىعىنا سەيكەس, جاس ماماندار enbek.kz پلاتفورماسى ارقىلى كونكۋرس نەگٸزٸندە جۇمىسقا قابىلدانادى.
ەر مەكتەپتە تەلٸمگەرلٸك جەنە بەيٸمدەلۋ باعدارلامالارى ەنگٸزٸلٸپ, جاڭادان كەلگەن مۇعالٸمگە تەجٸريبەلٸ ۇستاز باعىت-باعدار بەرەدٸ.
«جاس مامانداردى قولداۋ – ەل بولاشاعىنا سالىنعان ينۆەستيتسييا. بۇل – جاي عانا مەكتەپ ەمەس, بٸلٸمدٸ ۇرپاقتىڭ, سەنٸمدٸ ۇستازداردىڭ نەگٸزٸ قالاناتىن وردا», – دەدٸ وقۋ-اعارتۋ مينيسترٸ عاني بەيسەمباەۆ.
قالا مەن اۋىل اراسىنداعى الشاقتىق جويىلادى
جوبا اياسىندا اۋىل مەن قالا اراسىنداعى بٸلٸم ساپاسىنىڭ تەڭدٸگٸ قامتاماسىز ەتٸلۋدە. بۇرىن ساپالى ينفراقۇرىلىم تەك قالالىق مەكتەپتەردٸڭ ەنشٸسٸندە بولسا, ەندٸ اۋىل بالالارى دا بٸردەي مٷمكٸندٸكتەرگە يە بولا الادى.
«بۇل – جايلى عيماراتتار سالۋ عانا ەمەس. بۇل – كەلەشەكتٸ قالىپتاستىراتىن, ۇلتتىڭ ينتەللەكتۋالدىق ٸرگەتاسىن قالايتىن ماڭىزدى باستاما», – دەدٸ مينيستر.
«كەلەشەك مەكتەپتەرٸ» جوباسى – قازاقستاننىڭ بٸلٸم بەرۋ سالاسىن جاڭعىرتۋ جولىنداعى باتىل ەرٸ ناقتى قادام. جاڭا فورماتتاعى مەكتەپتەر جاس ۇرپاققا ساپالى بٸلٸم الۋعا, ال مۇعالٸمدەرگە كەسٸبي ورتادا دامۋعا مٷمكٸندٸك بەرەدٸ. بۇل – بٸلٸمگە دەگەن بەتبۇرىستىڭ ناقتى بەلگٸسٸ.
