سەمسەرلەسۋدەن قازاقستان ەرلەر قۇراماسى كوماندالىق جارىستا توعىز دٷركٸن وليمپيادا چەمپيونىن جەڭٸپ, ەلەم چەمپيوناتىندا تاريحي قولا مەدال يەلەندٸ, – دەپ حابارلايدى Dalanews.kz.
بٷگٸن سەمسەرلەسۋدەن ۇلتتىق قۇراما تبيليسيدە ٶتٸپ جاتقان ەلەم چەمپيوناتىندا تاريحي جەتٸستٸككە قول جەتكٸزدٸ. بٸزدٸڭ قۇراما العاش رەت جارتىلاي فينالعا شىعىپ, قازٸرگٸ ەلەم چەمپيونى — يتالييا قۇراماسىن جەڭدٸ.
كيريلل پروحودوۆ, رۋسلان قۇربانوۆ, ۆاديم شارلايموۆ جەنە ەلمير ەلٸمجانوۆ فينال جولداماسى ٷشٸن توكيو وليمپياداسىنىڭ چەمپيونى, پاريج وليمپياداسىنىڭ كٷمٸس جٷلدەگەرٸ جاپونييا سپورتشىلارىمەن شەبەرلٸك بايقاسىپ, قارسىلاستارىنا از عانا باسىمدىقپەن جول بەرٸپ قويدى.
قولا جٷلدە ٷشٸن ٶتكەن تارتىستى كەزدەسۋدە وتاندىق سپورتشىلار توعىز مەرتە وليمپيادا چەمپيونى اتانعان فرانتسييا قۇراماسىمەن باق سىناسىپ, ەلەم چەمپيوناتىنىڭ قولا جٷلدەسٸن جەڭٸپ الدى.
مەملەكەت باسشىسىنىڭ وتاندىق سپورتقا شەتەلدٸك مامانداردى تارتۋ جٶنٸندەگٸ تاپسىرماسىن ٸسكە اسىرۋ اياسىندا وسى جىلدان باستاپ سەمسەرلەسۋدەن ەرلەر جەنە ەيەلدەر اراسىنداعى ۇلتتىق قۇرامالاردا بەدەلدٸ باپكەرلەر مەن كەڭەسشٸلەر جۇمىس ٸستەي باستادى. تۋريزم جەنە سپورت مينيسترلٸگٸ وتاندىق سپورتقا حالىقارالىق تەجٸريبەنٸ ەنگٸزۋ, ەل سپورتشىلارىنىڭ بٸلٸكتٸلٸگٸن ارتتىرۋ, جٷلدە كٶرسەتكٸشٸن جاقسارتۋ جەنە سپورت سالاسىن دامىتۋ باعىتىنداعى مەملەكەتتٸك ساياساتتى ٸسكە اسىرۋ بويىنشا جٷيەلٸ جۇمىستى جالعاستىرىپ كەلەدٸ.
