قازاقستاندىق سالىقشىلار حالىقتى فيسكالدىق چەك تالاپ ەتۋگە قىزىقتىراتىن تىڭ تەسٸل ويلاپ تاپتى. ۇساق جەنە شاعىن بيزنەس سۋبەكتٸلەرٸنەن ساۋدا جاساعان ازاماتتارعا چەكتەگٸ سومانىڭ ەكٸ پايىزى قايتارىلماق. قازٸردٸڭ ٶزٸندە سالىق كوميتەتٸنٸڭ بۇل پيلوتتىق جوباسى ٶز تيٸمدٸلٸگٸن كٶرسەتٸپ ٷلگەردٸ, دەپ حابارلايدى Dalanews.kz.
مەملەكەتتٸك كٸرٸستەر كوميتەتٸنٸڭ ارنايى سالىق رەجيمدەرٸن باسقارۋ باسشىسى ەرقانات شىنبەرگەننٸڭ ايتۋىنشا, تىڭ تەجٸريبە سەمەي جەنە اقكٶل قالالارىندا سىنالىپ, نەتيجەسٸ كٶڭٸل كٶنشٸتكەن.
جوبا شارتى قاراپايىم عانا: ساتىپ الۋشى شاعىن نەمەسە ميكروبيزنەس ٶكٸلٸنەن العان تٷبٸرتەگٸن ارنايى جٷيەگە تٸركەيدٸ دە, تاۋار نەمەسە قىزمەت قۇنىنىڭ ەكٸ پايىزىن كەرٸ قايتارىپ الادى.
2024 جىلى بۇل باستاماعا 18 مىڭنان استام ازامات قاتىسىپ, جالپى سانى 244 مىڭنان اسا چەك تٸركەلگەن. تۇتىنۋشىلارعا كەرٸ قايتارىلعان قاراجات كٶلەمٸ 76 ميلليون تەڭگەنٸ قۇرادى. جوبانىڭ باستى جەتٸستٸگٸ – چەكتەردٸ تالاپ ەتۋ ارقىلى كٶلەڭكەلٸ ساۋدا اينالىمى كٶلەمٸنٸڭ تٶمەندەۋٸ. ونلاين كاسسالار ارقىلى جاسالعان تٶلەم سوماسى 231%-عا ٶسسە, فيسكالدىق چەكتەر سانى 357%-عا كٶبەيگەن.
"وسى ارقىلى ازاماتتاردىڭ چەك سۇراۋ مەدەنيەتٸ قالىپتاسىپ جاتىر. تٷبٸرتەك بەرۋدەن باس تارتاتىن كەسٸپكەرلەر دە جوق ەمەس. مۇنداي جاعدايدا حالىق سالىق ورگاندارىنا شاعىم تٷسٸرە الادى. چەك تالاپ ەتۋ – ەربٸر ازاماتتىڭ زاڭدى قۇقىعى", – دەيدٸ ەرقانات شىنبەرگەن.
كوميتەت ٶكٸلدەرٸ جوبانىڭ سەتتٸ ٸسكە اسقانىنا قاراپ, ونى ەلدٸڭ باسقا ٶڭٸرلەرٸنە دە ەنگٸزۋ كەرەك دەپ سانايدى. ەگەر باستاما بٷكٸل رەسپۋبليكا بويىنشا جٷزەگە اسسا, بيۋدجەتكە تٷسەتٸن سالىق كٶلەمٸ ۇلعايىپ, حالىقتىڭ قارجىلىق ساۋاتى دا بٸرشاما ارتا تٷسپەك.
