ٶتكەن جىلدارى رەسپۋبليكالىق ماڭىزى بار «تالدىقورعان-ٷشارال», «ٷشارال-دوستىق» اۆتوموبيل جولدارى قايتا جاڭعىرتۋدان ٶتكٸزٸلٸپ, ەل يگٸلٸگٸنە قولدانىسقا بەرٸلگەن بولاتىن. ەندٸگٸ كەزەكتە اۋداننىڭ وبلىستىق جەنە جەرگٸلٸكتٸ ماڭىزى بار اۆتوموبيل جولدارى كەزەڭ-كەزەڭٸمەن جٶندەلەدٸ. بۇل تۋرالى وبلىس ەكٸمٸ بەيبٸت يساباەۆتىڭ الاكٶل اۋدانىنىڭ تۇرعىندارىمەن كەزدەسۋٸ كەزٸندە ايتىلدى,- دەپ حابارلايدى Dalanews.kz
وبلىس ەكٸمٸ كەزدەسۋ بارىسىندا اۋدانداعى ينفراقۇرىلىمدى دامىتۋ تۋرالى تۇرعىندارعا كەڭٸنەن ايتىپ بەردٸ.
- اۋىلدىق جەرلەردەگٸ جولدىڭ جاعدايى – حالىقتىڭ كٷندەلٸكتٸ ٶمٸرٸنە تٸكەلەي ەسەر ەتەتٸن ماڭىزدى مەسەلەنٸڭ بٸرٸ. سوندىقتان بيىل اۋداننىڭ جەرگٸلٸكتٸ ماڭىزى بار اۆتوموبيل جولدارىن جٶندەۋ مەن كٷتٸپ ۇستاۋعا 3,6 ملرد. تەڭگە قاراستىرىلىپ وتىر. ونىڭ ٸشٸندە وبلىستىق ماڭىزى بار قابانباي-توقجايلاۋ, قابانباي-لەپسٸ باعىتىنداعى اۆتوموبيل جولدارىندا اسفالت جامىلعىلارىن كەسۋ, سۋ ٶتكٸزۋ قۇبىرىن اۋىستىرۋ جۇمىستارى جٷرگٸزٸلۋدە. بۇل جۇمىستاردىڭ قارقىنىن ارتتىرۋ كەرەك. بيىل كٷزدە قۇرىلىس جۇمىستارى اياقتالادى. وبلىستىڭ اۆتوموبيل جولدارى باسقارماسى جول قۇرىلىسىن ۋاقىتىلى جەنە ساپالى اياقتالۋىن قامتاماسىز ەتۋٸ تيٸس, - دەدٸ بەيبٸت يساباەۆ.
ٶڭٸر باسشىسىنىڭ سٶزٸنە سٷيەنسەك, جامبىل اۋىلىنا كٸرەبەرٸس, ارقارلى اۋىلىنا دەيٸنگٸ اۆتوجولدار دا جٶندەلەدٸ. ون ەلدٸ مەكەننٸڭ 24 كٶشەسٸنە ورتاشا جٶندەۋ جۇمىستارى جٷرگٸزٸلۋدە. سونىڭ ٸشٸندە ٷشارال, بۇدىر, قازاقستان, بالاپانوۆ, قابانباي, ارحارلى, جىلاندى, قامىسقالا اۋىلدارىندا جٶندەۋ جۇمىستارى بٸتتٸ, قالعان قاينار, جاناما اۋىلدارىنداعى جٶندەۋ جۇمىستارى قاراشادا اياقتالادى.
اۋىز سۋ مەسەلەسٸنە كەلسەك, اۋدانداعى 56 ەلدٸ مەكەننٸڭ 48-ٸ ورتالىقتاندىرىلعان سۋمەن قامتاماسىز ەتٸلگەن. ال قوڭىر اۋىلى اۋىز سۋعا بيىل قوسىلادى. قالعان 7 اۋىلدا كٶپ دەگەندە 20-دان استام ٷي عانا تۇراتىندىقتان, ولاردى ورتالىق سۋ جٷيەسٸن تارتۋ ەكونوميكالىق جاعىنان تيٸمسٸز بولىپ وتىر.
- ٶتكەن جىلى اۋىز سۋ ساپاسىن جاقسارتۋ ٷشٸن بيباقان اۋىلى ورتالىق سۋمەن جابدىقتاۋ جٷيەسٸنە قوسىلىپ, تەرەكتٸ, كٶكتۇما, ەكپٸندٸ اۋىلدارىندا قايتا جاڭعىرتۋ جٷرگٸزٸلگەن بولاتىن. سونداي-اق توقجايلاۋ اۋىلىندا وسىنداي جەلٸنٸڭ قۇرىلىسى اياقتالدى, قازٸرگٸ ۋاقىتتا ٸسكە قوسۋ جۇمىستارى جٷرٸپ جاتىر. ٶزدەرٸڭٸزدٸڭ ٶتٸنٸشتەرٸڭٸز بويىنشا بۇلاقتى اۋىلىندا سۋ جەلٸلەرٸن قايتا جاڭعىرتۋعا قۇجاتتار ەزٸرلەنٸپ, ساراپتامادان ٶتكٸزٸلدٸ. كەلەسٸ جىلعا رەسپۋبليكالىق بيۋدجەتكە ٶتٸنٸم بەرٸلدٸ, - دەدٸ اۋىز مەسەلەسٸنە ەگجەي-تەگجەيلٸ توقتالعان وبلىس ەكٸمٸ.
سول سيياقتى تۇرعىندار تاراپىنان ورتالىق جىلۋمەن قامتاماسىز ەتۋ مەسەلەسٸ بٸرنەشە رەت كٶتەرٸلگەنٸ ەسكەرٸلٸپ, ٷشارال قالاسىندا ورتالىق قازاندىقتى قايتا جاڭعىرتۋ جوباسى ٸسكە اسىرىلا باستادى. قاجەتتٸ قاراجات تولىعىمەن بٶلٸندٸ. بٷگٸنگٸ كٷنٸ جۇمىستار 80%-عا ورىندالعان. نىسان جىلىتۋ ماۋسىمىنا دەيٸن ٸسكە قوسىلادى.
