ٶسكەمەن تيتانو-ماگنيي كومبيناتىنىڭ شەتەلدٸك قوجايىندارى ديۆيدەند الاتىن بولدى. ال بۇل زاۋىت بيىل مامىر ايىندا سارى ۋلى تٷتٸنٸمەن بٷكٸل قالانى تۇنشىقتىرىپ, ەلدٸڭ نارازىلىعىنا ۇشىراعان ەدٸ. ەكولوگتار ٶزدەرٸنە قوماقتى كٶلەمدە ايىپپۇل دا سالعان, دەپ حابارلايدى Dalanews.kz.
قازاقستان قور بيرجاسىنىڭ (KASE) رەسمي سايتىنداعى اقپاراتقا سەيكەس, ٶسكەمەن تيتان-ماگنيي كومبيناتى ارتىقشىلىققا يە اكتسييالارى ٷشٸن ديۆيدەند بەرٸلەتٸنٸن جارييالادى. ەر اكتسييا يەسٸ 500 تەڭگەدەن الماق. جالپى تٶلەنەتٸن ديۆيدەند سوماسى 54 ميلليون تەڭگەگە جۋىقتايدى.
كەسٸپورىنعا يەلٸك ەتەتٸن التى شەتەلدٸك كومپانييا بار. ونىڭ ٸشٸندە نەگٸزگٸ اكتسيونەر – بەلگييانىڭ Specialty Metals Holding Company كومپانيياسى (ٷلەسٸ – 44,74%). قالعان اكتسييالار سينگاپۋرلىق New Asia Investment Group, Metacapital Investments, Metal Resource & Technology, New Metal Investments جەنە شۆەيتسارييانىڭ Kolur Holding AG كومپانييالارىنا تيەسٸلٸ.
ٶسكەمەندەگٸ بۇل كەسٸپورىن اۆياتسييا جەنە باسقا دا ماڭىزدى سالالار ٷشٸن تيتان قۇيمالارى مەن ماگنيي ٶندٸرەدٸ. بٸراق سوڭعى ۋاقىتتا زاۋىتتىڭ اتى ٶنٸم ساپاسىمەن ەمەس, ەكولوگييالىق بىلىقتارمەن جيٸ شىعىپ جٷر.
وسى جىلدىڭ مامىر ايىندا كەسٸپورىندا اپاتتى جاعداي ورىن الىپ, اتموسفەراعا زيياندى زاتتار تارادى. قالانى قويۋ سارى تٷتٸن تۇمشالاپ, تۇرعىندار حلوردىڭ ٶتكٸر يٸسٸنەن تۇنشىعىپ, تىنىس الۋ قيىنداعانىنا شاعىمدانعان. ال كومبينات باسشىلىعى «حلور مٶلشەرٸ قالىپتى دەڭگەيدەن اسقان جوق» دەپ مەلٸمدەپ, ەكولوگييالىق ينسپەكتورلاردى تەكسەرٸسكە باستاپقىدا كٸرگٸزبەي قويعان.
اقىرى زاۋىت اۋماعىنا كٸرۋگە مٷمكٸندٸك العان ەكولوگتار گاز تازارتۋ قۇرىلعىسىن پايدالانۋ ەرەجەلەرٸ ٶرەسكەل بۇزىلعانىن انىقتادى. گاز قۇبىرىن تازالاۋ كەزٸندە ورىن العان تەحنولوگييالىق اقاۋدان زيياندى زاتتار اتموسفەراعا ەركٸن تاراعان. كومبيناتقا 24 ميلليون تەڭگە ايىپپۇل سالىندى.
دەگەنمەن, قالا جۇرتى زاۋىتقا كەسٸلگەن بۇل جازانىڭ تىم جەڭٸل ەكەنٸن ايتىپ وتىر. ۋلى گازدىڭ زاردابىن تارتقان حالىققا ٶتەماقى تٶلەۋدٸڭ ورنىنا, شەتەلدٸك كومپانييالار ەندٸ ديۆيدەند ارقىلى ٶز پايداسىن الىپ كەتپەكشٸ. بۇل جاعداي حالىقتىڭ نارازىلىعىن ودان ەرٸ كٷشەيتۋٸ مٷمكٸن.
