ۇكىمەت وتىرىسىندا ىشكى ىستەر ءمينيسترى ەرجان سادەنوۆ تۋريستەردىڭ قاۋىپسىزدىگىن قامتاماسىز ەتۋ بويىنشا قابىلدانىپ جاتقان شارالار تۋرالى ايتتى، دەپ حابارلايدى Dalanews.kz.
ق ر ءىىم باسپا ءسوز قىزمەتىنىڭ حابارلاۋىنشا، تۋريستىك ايماقتاردا تۋريستىك پوليسيا بولىنىستەرى جۇمىس ىستەيدى.
قىزمەتكەرلەر شەت تىلدەرىن مەڭگەرگەن، تانىمال ورىندار مەن ۇلتتىق پاركتەردە قىزمەت اتقارادى، قوعامدىق ءتارتىپتى قامتاماسىز ەتىپ، كەڭەس بەرەدى.
تۋريستىك نىسانداردا بەينەباقىلاۋ كامەرالارى مەن دابىل تۇيمەلەرى ورناتىلعان. جەكە تاسىمالداۋمەن زاڭسىز اينالىسۋ فاكتىلەرىنىڭ جولى كەسىلىپ، تۇراقتى تۇردە جەدەل-الدىن الۋ شارالارى وتكىزىلەدى، ترانزيتتىك جۇرگىزۋشىلەرگە كومەك كورسەتىلەدى. ءىىم تۋريزم مينيسترلىگىمەن تۋروپەراتورلار جانە تجم-مەن تۋريستىك مارشرۋتتارداعى قاۋىپسىزدىك ماسەلەلەرى بويىنشا ءوزارا جۇمىس ىستەيدى.
"قازاقستانعا كەلەتىن شەتەلدىك ازاماتتاردىڭ قاۋىپسىزدىگىن ارتتىرۋ باعىتىنداعى جۇمىس جالعاسىن تابادى"، — دەپ اتاپ ءوتتى ەرجان سادەنوۆ.
ايتا كەتسەك، تۋريزم يندۋسترياسى كوميتەتىنىڭ مالىمەتىنشە، قازاقستانعا تمد-دان تىس جۇڭگو، ءۇندىستان، تۇركيا، گەرمانيا، وڭتۇستىك كورەيا ازاماتتارى ءجيى ساياحاتتاپ كەلەدى.
