"سامۇرىق-قازىنا" قورىنىڭ باسقارما تٶراعاسى نۇرلان جاقىپوۆ قور قىزمەتكەرلەرٸنٸڭ بيزنەس-كلاسس ۇشاقتارمەن ۇشۋىنا قاتىستى تٷسٸنٸكتەمە بەردٸ. ونىڭ ايتۋىنشا, بۇل – كورپوراتيۆتٸك ستاندارتقا ساي بەكٸتٸلگەن ەرەجە, دەپ حابارلايدى Dalanews.kz.
جاقىپوۆ بريفينگ بارىسىندا ٶزٸ جەكە بيزنەس-دجەتتەردٸ پايدالانبايتىنىن اتاپ ٶتتٸ.
"مەن ەدەتتە Air Astana-مەن ۇشامىن. بۇل – بٸزدٸڭ پورتفەلدٸك كومپانييامىز. ٸسساپارلار كەزٸندە دەلەگاتسييا قۇرامىندا بولامىن. Air Astana – اشىق كومپانييا, سوندىقتان Airbus ۇشاعىن بٸردەن الىپ, قالاعان باعىتقا ۇشىرۋ مٷمكٸن ەمەس. مۇندا اشىقتىق پەن ەسەپتٸلٸك جوعارى دەڭگەيدە", – دەدٸ ول.
قور باسشىسى رەتٸندە ول بيزنەس-كلاسس قىزمەتٸن پايدالاناتىنىن راستادى.
"مەن بيزنەس-كلاسس ۇشۋ ستاندارتىن ۇستانامىن. بۇل – بٸزدە كورپوراتيۆتٸك ەرەجە رەتٸندە بەكٸتٸلگەن. ٶزدەرٸڭٸز بٸلەتٸندەي, "سامۇرىق-قازىنانىڭ" سوڭعى ەسەپتٸك كەزەڭدەگٸ تابىسى 2 تريلليون 400 ميلليارد تەڭگەنٸ قۇرادى. سوندىقتان بٸز بەلگٸلەنگەن بيۋدجەت شەگٸنەن شىقپايمىز دەپ ويلايمىن", – دەدٸ نۇرلان جاقىپوۆ.
