بقو-داعى اقجايىق اۋدانىنىڭ كٶنەككەتكەن اۋىلىندا جاڭا فەلدشەرلٸك-اكۋشەرلٸك پۋنكتٸ قولدانىسقا بەرٸلدٸ,- دەپ حابارلايدى Dalanews.kz
بۇل جوبا مەملەكەت باسشىسىنىڭ تاپسىرماسىنا سەيكەس اۋىل تۇرعىندارىنىڭ دەنساۋلىعىن جاقسارتۋعا باعىتتالعان جٷيەلٸ جۇمىستار مەن «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى شەڭبەرٸندە جٷزەگە اسىرىلدى.
اشىلۋ سالتاناتىنا باتىس قازاقستان وبلىسىنىڭ ەكٸمٸ ناريمان تٶرەعاليەۆ قاتىسىپ, اۋىل تۇرعىندارىن مەديتسينالىق نىساننىڭ اشىلۋىمەن قۇتتىقتادى.
«اقجايىق اۋدانىنىڭ كٶنەككەتكەن اۋىلىندا جاڭا فەلدشەرلٸك-اكۋشەرلٸك پۋنكتتٸڭ اشىلۋى – بارشامىز ٷشٸن قۋانىشتى ەرٸ ماڭىزدى وقيعا. بۇل — مەملەكەت باسشىسىنىڭ تاپسىرماسىنا سەيكەس اۋىل تۇرعىندارىنىڭ دەنساۋلىعىن قورعاۋعا باعىتتالعان جٷيەلٸ جۇمىستىڭ جەنە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىنىڭ ناقتى نەتيجەسٸ»,– دەدٸ وبلىس ەكٸمٸ ناريمان تٶرەعاليەۆ.
جالپى 2023-2025 جىلدارى وبلىستا 50 جاڭا مەديتسينالىق نىسان سالۋ كٶزدەلگەن بولسا, سونىڭ 39-ى بٷگٸندە ٸسكە قوسىلدى.
قالعان نىسانداردىڭ قۇرىلىس جۇمىستارى اياقتالۋىنا وراي قولدانىسقا بەرٸلەدٸ.
كٶنەككەتكەن اۋىلىندا سالىنعان جاڭا مەديتسينالىق نىساننىڭ اۋماعى 260 شارشى مەتردەن اسادى. كٷنٸنە 40-قا جۋىق ادامدى قابىلداۋعا قاۋقارلى بۇل پۋنكتتٸڭ جوبالىق قۇنى – 207 ميلليون تەڭگەدەن استام. قۇرىلىس جۇمىستارىن «جيەنباي» جشس جٷرگٸزٸپ, تاپسىرىس بەرۋشٸ رەتٸندە وبلىستىق قۇرىلىس باسقارماسى جۇمىس اتقاردى.
كٶنەككەتكەن اۋىلىنىڭ تۇرعىنى, اۋىلدىق وعامدىق كەڭەستٸڭ تٶراعاسى تۇرعان ساپارعاليەۆ اۋىلدا زاماناۋي ٷلگٸدە سالىنعان ەمحانا ٷشٸن مەملەكەت باسشىسىنا ريزاشىلىعىن بٸلدٸردٸ.
«وبلىس كٶلەمٸندە ەكٸ جىلدا 50 مەديتسينالىق نىسان سالۋ - ٷلكەن جۇمىس. پرەزيدەنتٸمٸزدٸڭ حالىق يگٸلٸگٸ ٷشٸن جاساعان قولداۋىنا العىسىمىز شەكسٸز. مەملەكەت باسشىسى اۋىل تۇرعىندارىنا كٶپ كٶڭٸل بٶلٸپ وتىر. ەم الۋ ٷشٸن اۋدان ورتالىعىنا نەمەسە قالاعا باراتىنبىز. ەندٸگٸ كەزەكتە ساپالى ەمدٸ ٶز اۋىلىمىزدا دا الۋعا بولادى”,- دەدٸ تۇرعان ساپارعاليەۆ.
