پەريزات قايراتقا قاتىستى قىلمىستىق ءىس الداعى كۇندەرى سوتقا جولدانادى، دەپ حابارلايدى Dalanews.kz.

بۇعان دەيىن قارجىلىق مونيتورينگ اگەنتتىگى (قما) قايراتتىڭ ءىس ماتەريالدارىمەن تانىسۋ پروسەسىن ادەيى سوزىپ جۇرگەنىن ايتىپ، وعان 9 ماۋسىمعا دەيىنگى ناقتى مەرزىم بەلگىلەگەن ەدى.

قما ءتوراعاسىنىڭ ورىنباسارى جەڭىس ەلەمەسوۆتىڭ ايتۋىنشا، كۇدىكتى اتالعان مەرزىمگە دەيىن ءىس ماتەريالدارىمەن تولىق تانىسىپ ۇلگەرگەن.

“قازىرگى ۋاقىتتا ءىس ماتەريالدارىمەن تانىسۋ اياقتالدى. قورعانىس تاراپىنان كەلىپ تۇسكەن وتىنىشتەر مەن ولارعا بەرىلگەن جاۋاپتاردى جيناقتاپ جاتىرمىز. بىر-ەكى كۇندە ءىستى پروكۋراتۋراعا، كەيىن سوتقا جولدايمىز”، – دەدى ول.

قازىرگى تاڭدا كۇدىكتى رەتىندە ەكى ادام – پەريزات قايرات پەن ونىڭ اناسى عايني الاشبايەۆا تانىلىپ وتىر. جابىرلەنۋشىلەر سانى 100-دەن اسادى.

ەسكە سالساق، پەريزات قايراتقا سۋ تاسقىنىنان زارداپ شەككەن قازاقستاندىقتارعا جانە سوعىس سالدارىنان جاپا شەككەن پالەستينالىقتارعا جينالعان 3،5 ملرد تەڭگە قارجىنى جىمقىردى دەگەن ايىپ تاعىلىپ وتىر.

سونداي-اق، مۇگەدەكتىگى بار بالالارعا ارنالعان وڭالتۋ ورتالىعىن سالۋ ءۇشىن جينالعان قاراجاتتىڭ دا زاڭسىز پايدالانىلعانى تەرگەۋ نىسانىندا.