Perizat Qairatqa qatysty qylmystyq is aldaǵy kúnderi sotqa joldanady, dep habarlaidy Dalanews.kz.
Buǵan deiin Qarjylyq monitoring agenttigi (QMA) Qairattyń is materialdarymen tanysý protsesin ádeii sozyp júrgenin aityp, oǵan 9 maýsymǵa deiingi naqty merzim belgilegen edi.
QMA tóraǵasynyń orynbasary Jeńis Elemesovtiń aitýynsha, kúdikti atalǵan merzimge deiin is materialdarymen tolyq tanysyp úlgergen.
“Qazirgi ýaqytta is materialdarymen tanysý aiaqtaldy. Qorǵanys tarapynan kelip túsken ótinishter men olarǵa berilgen jaýaptardy jinaqtap jatyrmyz. Bir-eki kúnde isti prokýratýraǵa, keiin sotqa joldaimyz”, – dedi ol.
Qazirgi tańda kúdikti retinde eki adam – Perizat Qairat pen onyń anasy Ǵaini Alashbaeva tanylyp otyr. Jábirlenýshiler sany 100-den asady.
Eske salsaq, Perizat Qairatqa sý tasqynynan zardap shekken qazaqstandyqtarǵa jáne soǵys saldarynan japa shekken palestinalyqtarǵa jinalǵan 3,5 mlrd teńge qarjyny jymqyrdy degen aiyp taǵylyp otyr.
Sondai-aq, múgedektigi bar balalarǵa arnalǵan ońaltý ortalyǵyn salý úshin jinalǵan qarajattyń da zańsyz paidalanylǵany tergeý nysanynda.
