الماتىدا 13 ادامنىڭ ءومىرىن قيعان حوستەلدەگى ورتكە قاتىستى ءىس بويىنشا سوت پروسەسى جالعاسىپ جاتىر، دەپ حابارلايدى Dalanews.kz.
ايىپتالۋشىلار ورىندىعىندا ەكى ادام وتىر – ALA Hostel ديرەكتورى ادىلبەك مۇحامەدياروۆ پەن «گيدسەرۆيس» كومپانياسىنىڭ يەسى الەكساندر پەكەلنيك. ولارعا ءورت قاۋىپسىزدىگى تالاپتارىن ورەسكەل بۇزىپ، ادامداردىڭ قازا بولۋىنا سەبەپكەر بولدى دەگەن ايىپ تاعىلعان.
قورعاۋ تاراپى بۇل وقيعانىڭ قاساقانا ءورت قويۋ سالدارىنان بولعانىن العا تارتىپ، ەركىن ءتانجارىقوۆتى كىنالى دەپ تانىدى. الايدا پروكۋروردىڭ مالىمدەۋىنشە، وعان قاتىستى ايىپ تاعىلماعان، ارەكەتتەرىنە قۇقىقتىق باعا بەرىلمەگەن جانە قىلمىستىق قۋدالاۋ توقتاتىلعان.
"ەركىن ءتانجارىقوۆقا قاتىستى بوتەن مۇلىكتى قاساقانا ورتەۋ ارقىلى جويۋ فاكتىسى بويىنشا ق ر قك 202-بابى 3-بولىگىنىڭ 1-تارماعى نەگىزىندە قوزعالعان قىلمىستىق ءىس توقتاتىلدى. سەبەبى ونىڭ ارەكەتتەرىندە قىلمىستىق قۇقىقبۇزۋشىلىق قۇرامى انىقتالعان جوق"، - دەدى سۋديا سوت وتىرىسىندا.
ايتا كەتەيىك،2023 جىلى 30 قاراشادا Almaty حوستەلىن شارپىعان ءورت بۇكىل قازاقستاندى دۇرلىكتىرگەن ەدى. ال قايعىلى وقيعا ناتيجەسىندە 13 ادام قازا تاپتى.
اتالمىش وقيعا قىلمىستىق كودەكستىڭ 292-بابى 3-بولىگىندە ("ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزۋ") كورسەتىلگەن قىلمىستىق قۇقىق بۇزۋشىلىق قۇرامى بەلگىلەرى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە تىركەلگەن بولاتىن.
