Almatyda 13 adamnyń ómirin qiǵan hosteldegi órtke qatysty is boiynsha sot protsesi jalǵasyp jatyr, dep habarlaidy Dalanews.kz.
Aiyptalýshylar oryndyǵynda eki adam otyr – ALA Hostel direktory Ádilbek Muhamediiarov pen «Gidservis» kompaniiasynyń iesi Aleksandr Pekelnik. Olarǵa órt qaýipsizdigi talaptaryn óreskel buzyp, adamdardyń qaza bolýyna sebepker boldy degen aiyp taǵylǵan.
Qorǵaý tarapy bul oqiǵanyń qasaqana órt qoiý saldarynan bolǵanyn alǵa tartyp, Erkin Tánjaryqovty kináli dep tanydy. Alaida prokýrordyń málimdeýinshe, oǵan qatysty aiyp taǵylmaǵan, áreketterine quqyqtyq baǵa berilmegen jáne qylmystyq qýdalaý toqtatylǵan.
"Erkin Tánjaryqovqa qatysty bóten múlikti qasaqana órteý arqyly joiý faktisi boiynsha QR QK 202-baby 3-bóliginiń 1-tarmaǵy negizinde qozǵalǵan qylmystyq is toqtatyldy. Sebebi onyń áreketterinde qylmystyq quqyqbuzýshylyq quramy anyqtalǵan joq", - dedi sýdia sot otyrysynda.
Aita keteiik,2023 jyly 30 qarashada Almaty hostelin sharpyǵan órt búkil Qazaqstandy dúrliktirgen edi. Al qaiǵyly oqiǵa nátijesinde 13 adam qaza tapty.
Atalmysh oqiǵa Qylmystyq kodekstiń 292-baby 3-bóliginde ("Abaisyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý") kórsetilgen qylmystyq quqyq buzýshylyq quramy belgileri boiynsha sotqa deiingi tergep-tekserýdiń biryńǵai tiziliminde tirkelgen bolatyn.
