قىزىلوردادا سانيتارلىق-تەحنيكالىق جابدىقتار شىعاراتىن ءىرى زاۋىت سالىنادى،- دەپ حابارلايدى Dalanews.kz
جوبا يسپانيالىق Roca Group كومپانياسىمەن بىرلەسىپ جۇزەگە اسىرىلۋدا جانە اتالعان سالا بويىنشا ورتالىق ازياداعى ەڭ ءىرى جوبالاردىڭ بىرىنە اينالادى.
قىزىلوردا وبلىسىنىڭ اكىمى نۇرلىبەك نالىبايەۆتىڭ ايتۋىنشا، جوباعا تارتىلاتىن ينۆەستيسيا كولەمى 70 ملن ەۋرونى قۇرايدى، ال كاسىپورىندى ىسكە قوسۋ ءوڭىر تۇرعىندارىن 300 جاڭا جۇمىس ورنىمەن قامتۋعا مۇمكىندىك بەرەدى.
زاۋىت تەك ىشكى نارىقتى عانا قامتاماسىز ەتىپ قويماي، سونىمەن قاتار ءونىمدى شەتەلگە ەكسپورتتاۋمەن دە اينالىسادى دەپ كۇتىلۋدە.
«مەملەكەت باسشىسىنىڭ ينۆەستيسيا تارتۋ جونىندەگى تاپسىرماسىن ورىنداۋ ءۇشىن ءبىز شەتەلدىك ينۆەستورلارمەن جۇيەلى جۇمىس جۇرگىزىپ كەلەمىز. وتكەن جىلى Roca Group كومپانياسىمەن قىزىلوردادا ءوندىرىس ورنىن اشۋ ماسەلەسىن تالقىلادىق. كومپانيا سانيتارلىق-تەحنيكالىق بۇيىمدار ءوندىرۋ سالاسىنداعى الەمدىك كوشباسشىلاردىڭ ءبىرى سانالادى. Roca Groupپەن بىرلەسىپ ءوندىرىستى باستاۋ تۋرالى نەگىزدەمەلىك كەلىسىمگە قول قويىلدى»، - دەپ اتاپ ءوتتى اكىم.
