مەجٸلٸس دەپۋتاتى سەرگەي پونومارەۆ ەڭبەك جەنە حالىقتى ەلەۋمەتتٸك قورعاۋ مينيسترٸ اسقاربەك ەرتاەۆقا دەپۋتاتتىق ساۋال جولداپ, قازاقستانداعى كەسٸبي مەرەكەلەر جٷيەسٸن قايتا قاراۋدى ۇسىندى, دەپ حابارلايدى dalanews.kz.
ونىڭ ايتۋىنشا, بٷگٸندە ەلدە 74 كەسٸبي مەرەكە بار. الايدا ولاردىڭ شامامەن 20 پايىزى ناقتى ماماندىقتارعا ەمەس, جەكەلەگەن مەملەكەتتٸك ورگاندارعا ارنالعان.
دەپۋتات مۇنداي جاعداي كەسٸبي مەرەكەلەردٸڭ باستاپقى مەنٸن ەلسٸرەتٸپ وتىرعانىن اتاپ ٶتتٸ. ونىڭ پٸكٸرٸنشە, مۇنداي كٷندەر بەلگٸلٸ بٸر ۆەدومستۆونىڭ قۇرىلعان كٷنٸن ەمەس, ەڭبەك ادامدارىنىڭ قوعام مەن ەكونوميكاعا قوسقان ٷلەسٸن دەرٸپتەۋٸ كەرەك.
سەرگەي پونومارەۆ مەرەكەلەر جىل ٸشٸندە بٸركەلكٸ بٶلٸنبەگەنٸنە دە نازار اۋداردى. مىسالى, قازاندا بٸردەن 15 كەسٸبي مەرەكە اتالىپ ٶتەدٸ.
سونداي-اق, ول بٸلٸم بەرۋ سالاسىندا بٸرنەشە مەرەكە قاتار بەلگٸلەنگەنٸن مىسالعا كەلتٸردٸ. جوعارى بٸلٸم بەرۋ قىزمەتكەرلەرٸ كٷنٸ, تەحنيكالىق جەنە كەسٸپتٸك, ورتا بٸلٸمنەن كەيٸنگٸ بٸلٸم بەرۋ قىزمەتكەرلەرٸ كٷنٸ جەنە مۇعالٸمدەر كٷنٸ بار.
دەپۋتاتتىڭ پٸكٸرٸنشە, حالىق اراسىندا كەڭٸنەن تانىلعان مۇعالٸمدەر كٷنٸ - نەگٸزگٸ مەرەكە, ال وعان جاقىن باعىتتار بويىنشا جەكە كەسٸبي مەرەكەلەر بولۋى ونىڭ ماڭىزىن تٶمەندەتەدٸ.
وسىعان بايلانىستى دەپۋتات ٷكٸمەتكە بٸرنەشە ۇسىنىس جاسادى. كەسٸبي مەرەكەلەردٸ بەلگٸلەۋدٸڭ بٸرىڭعاي ەدٸستەمەسٸن ەزٸرلەۋ, قولدانىستاعى مەرەكەلەر تٸزٸمٸن قايتا قاراپ, قايتالاناتىن جەنە كەيبٸر مەرەكەلەردٸ بٸرٸكتٸرۋ, سونداي-اق, كەسٸبي مەرەكەلەر تٸزٸمٸن مينيستر بۇيرىعىمەن ەمەس, ٷكٸمەت قاۋلىسىمەن بەكٸتۋ ۇسىنىلدى.
سونىمەن قاتار, بۇل تٸزٸمدٸ ەكٸ جىل سايىن جاڭارتىپ وتىرۋ قاجەت ەكەنٸ ايتىلدى.
