Qyzylordada sanitarlyq-tehnikalyq jabdyqtar shyǵaratyn iri zaýyt salynady,- dep habarlaidy Dalanews.kz
Joba ispaniialyq Roca Group kompaniiasymen birlesip júzege asyrylýda jáne atalǵan sala boiynsha Ortalyq Aziiadaǵy eń iri jobalardyń birine ainalady.
Qyzylorda oblysynyń ákimi Nurlybek Nálibaevtyń aitýynsha, jobaǵa tartylatyn investitsiia kólemi 70 mln eýrony quraidy, al kásiporyndy iske qosý óńir turǵyndaryn 300 jańa jumys ornymen qamtýǵa múmkindik beredi.
Zaýyt tek ishki naryqty ǵana qamtamasyz etip qoimai, sonymen qatar ónimdi shetelge eksporttaýmen de ainalysady dep kútilýde.
«Memleket basshysynyń investitsiia tartý jónindegi tapsyrmasyn oryndaý úshin biz sheteldik investorlarmen júieli jumys júrgizip kelemiz. Ótken jyly Roca Group kompaniiasymen Qyzylordada óndiris ornyn ashý máselesin talqyladyq. Kompaniia sanitarlyq-tehnikalyq buiymdar óndirý salasyndaǵy álemdik kóshbasshylardyń biri sanalady. Roca Grouppen birlesip óndiristi bastaý týraly negizdemelik kelisimge qol qoiyldy», - dep atap ótti ákim.
