شەرزات پولاتتىڭ ەكەسٸ قارجاۋباي نۇرىموۆ ۇلىنىڭ ٶلٸمٸ ٷشٸن سوت بەلگٸلەگەن 660 ميلليون تەڭگە ٶتەماقىنى ٶز قاجەتٸنە جاراتپاي, بالالار ٷيٸنە اۋدارماق. بۇل تۋرالى وتباسىنىڭ ادۆوكاتى مەيٸرمان شەكەەۆ مەلٸمدەدٸ, دەپ حابارلايدى Dalanews.kz.
“قارجاۋباي – كٶپ سٶيلەمەيتٸن, مٸنەزٸ تۇيىق, بٸراق ٶتە ادال ادام. مەن ونىڭ تۋراشىلدىعىنا ەرەكشە قۇرمەتپەن قارايمىن. العاش كەزدەسكەنٸمٸزدە ماعان: “ماعان قىلمىسكەرلەردٸڭ جازا الىپ, الماۋى ماڭىزدى ەمەس. باستىسى – ولار شەرزاتتىڭ اتىنا كٸر كەلتٸرمەسٸن. ۇلىمنىڭ ارىن تاپتاماۋىن عانا قالايمىن”, – دەگەن ەدٸ , – دەيدٸ ادۆوكات.
الايدا شەكەەۆ ٶتەماقى تالاپ ەتپەسە, سوتتالعاندار شارتتى جازا الىپ كەتۋٸ مٷمكٸن ەكەنٸن تٷسٸندٸرگەننەن كەيٸن, قارجاۋباي نۇرىموۆ 660 ميلليون تەڭگە كٶلەمٸندەگٸ ٶتەماقىنى تالاپ ەتۋگە كەلٸسكەن. بٸراق ول بۇل اقشانى جەكە پايداسىنا ەمەس, بالالار ٷيٸنە اۋدارۋدى ۇيعارعان.
ەسكە سالايىق, بۇعان دەيٸن شەرزات پولاتتىڭ ٶلٸمٸنە قاتىستى سوت پروتسەسٸندە ادۆوكاتتار ايىپتالۋشىلاردان تالاپ ەتٸلەتٸن مورالدىق ٶتەماقىنىڭ سوماسىن وقىپ بەرگەن ەدٸ.
- بٸرٸنشٸ, شىناسىل ابزالدان قارجاۋباي نۇرىموۆتىڭ پايداسىنا ۇلىنىڭ جەرلەۋ رەسٸمٸنە قاتىستى جۇمسالعان شىعىن ٶتەۋٸ رەتٸندە 2 ميلليون 794 مىڭ تەڭگە مٶلشەرٸندە سومانى ٶندٸرۋدٸ;
- ەكٸنشٸ, شىناسىل ابزال جەنە راۆيل سەكيەۆتەن ورتاقتاسقان, ياعني ٷلەستٸك تٷردە قارجاۋباي نۇرىموۆتىڭ پايداسىنا قىلمىستىق قۇقىق بۇزۋشىلىقتىڭ مورالدىق زييانىنىڭ ٶتەۋٸ رەتٸندە 100 ميلليون تەڭگە مٶلشەرٸندە ٶتەماقى ٶندٸرۋدٸ;
- ٷشٸنشٸ, شىناسىل ابزال مەن راۆيل سەكيەۆتەن ورتاقتاسقان ٷلەستٸك تٷردە بيشيمبيەۆا گٷلبارانىڭ پايداسىنا قىلمىستىق قۇقىق بۇزۋشىلىقتىڭ مورالدىق زييانىنىڭ ٶتەۋٸ رەتٸندە 100 ميلليون تەڭگە ٶتەماقى ٶندٸرۋدٸ;
- تٶرتٸنشٸ, شىناسىل ابزال جەنە سەكيەۆ راۆيلدەن ورتاقتاسقان ٷلەستٸك نورمادا جۇمابيكە قادىروۆانىڭ قىلمىستىق قۇقىق بۇزۋشىلىق كەلتٸرگەن مورالدىق زييانىنىڭ ٶتەۋٸ رەتٸندە 100 ميلليون تەڭگە ٶتەماقى ٶندٸرۋدٸ سۇرايمىز, – دەدٸ جەبٸرلەنۋشٸلەردٸڭ ادۆوكاتتارى.
