قوناقتار اۋەلى XIV عاسىردىڭ سوڭىندا تۇرعىزىلعان ق.ا.ياساۋي كەسەنەسى مەن ونداعى جادىگەرلەرمەن تانىستى. كەيىن عالىمدار ورتا عاسىردا ءوزىنىڭ بەرىك قامالىمەن ءماشھۇر بولعان ساۋران قالاسىنا ات باسىن بۇردى. ونداعى قالا تاريحى مەن شاھاردىڭ قۇرىلىمى جايلى اقپار الدى.
كەزدەسۋ بارىسىندا تۇركىستان وبلىسىنىڭ اكىمى جانسەيىت تۇيمەبايەۆ الەم عالىمدارى قىزىعىپ وتىرعان ەسكى ساۋران قالاسى بولاشاقتا بارلىق تۋريستەر كەلىپ تاماشالايتىن مەكەنگە اينالاتىنىن ايتتى. سونداي-اق، تۇركىستان وبلىسىنا كەلەتىن قوناقتارعا ارنايى تۋريستىك باعىتتار قۇرىلىپ، سەرۆيستىك قىزمەتتەر جانداناتىنىن جەتكىزدى.
ەۋروپاعا بەلگىلى ەتنوگراف، تاريحشى فرانسۋاز لەنوبل باستاعان فرانسۋز عالىمدارى ودان سوڭ تۇركىستاندا بوي كوتەرەتىن جاڭا عيماراتتار مەن ق.ا.ياساۋي كەسەنەسى اينالاسىندا سالىناتىن شىعىستىق ۇلگىدەگى ەسكيزدىك جوبالارمەن تانىستى.
ساپار سوڭىندا شەتەلدىك قوناقتار تاريح پەن قاسيەتكە باي تۇركىستاننىڭ تۋريستەر وشاعىنا اينالاتىنا سەنىم ءبىلدىردى. سونىمەن قاتار، تۋريستەردى تارتۋ ءۇشىن ناسيحاتتى كوبەيتىپ، تاريحي نىساندارداعى اقپاراتتىق جۇيەلەر كۇشەيتىلسە، وڭىرگە كەلەتىن قوناقتار سانى ارتاتىنىن جەتكىزدى.
تۇركىستان وبلىسى اكىمىنىڭ باسپا ءسوز قىزمەتى
