سوڭعى اپتادا ەلىمىزدىڭ بىرنەشە وڭىرىندە ورىن العان سۋ تاسقىنى حالىقتى ابىگەرگە سالىپ قويدى. «اتامەكەن» ۇكپ سۋ تاسقىنىنان زارداپ شەككەن كاسىپكەرلەرگە كومەك كورسەتۋدە. ۇلتتىق كاسىپكەرلەر پالاتاسى سۋ تاسقىنىنان زارداپ شەككەن كاسىپكەرلەرمەن تىعىز بايلانىس ورناتتى. بۇگىندە ولارعا قاجەتتى كومەكتەر ۇيىمداستىرىلىپ، وڭىرلەردەگى كاسىپكەرلەر پالاتالارى بەلگىلەنگەن الگوريتم بويىنشا كۇشەيتىلگەن رەجيمدە جۇمىس ىستەۋدە.
قازىرگى تاڭدا كاسىپكەرلىك سۋبەكتىلەرىنە كەلتىرىلگەن شىعىن كولەمى 1،4 ملرد. تەڭگەنى قۇراپ وتىر. فەرمەرلەردىڭ اگرارلى نەسيە كورپوراسياسى جانە «دامۋ» كاسىپكەرلىكتى دامىتۋ قورىنىڭ الدىنداعى قارىزدارىن وتەۋ مەرزىمىن ۇزارتۋ بويىنشا «اتامەكەن» ۇكپ «بايتەرەك» ۇبح-مەن كەلىسسوزدەر جۇرگىزۋدە.
جاسىراتىنى جوق، ەلىمىزدەگى بيزنەس اكتيۆتەرى تومەن ساقتاندىرىلعان. بۇعان دەيىن «اتامەكەن» ۇكپ جەكە ساقتاندىرۋ كومپانيالارىمەن بىرلەسە بۇل جۇيەلى پروبلەمانى بىرنەشە رەت كوتەرگەن بولاتىن. ساقتاندىرۋ پوليسىمەن بيزنەس تە، مەملەكەت تە ۇتادى. ءدال بۇگىنگى جاعدايدا ءوز بيزنەستەرىن ساقتاندىرعان كاسىپكەرلەر ماسەلەلەرىن الدەقايدا جەڭىل ءارى وڭتايلى شەشەدى.
«اتامەكەن» ۇكپ كاسىپكەرلەرگە كونسۋلتاتيۆتىك كومەكتەن بولەك قارجىلاي كومەك تە ۇيىمداستىرۋدا. دالىرەك ايتساق، بۇگىندە «كۇشىمىز بىرلىكتە» قورى ارقىلى قاراجات جينالىپ، تابيعي اپاتتىڭ سالدارىنان قيىن جاعدايعا تاپ بولعان كاسىپكەرلەرگە قارجىلاي كومەك بەرۋ قاراستىرىلىپ جاتىر. ايتا كەتەرلىك جايت، «كۇشىمىز بىرلىكتە» قورى وسىدان ەكى جىل بۇرىن شاعىن جانە ورتا بيزنەستى قولداۋ ماقساتىندا «اتامەكەن» ۇكپ باستاماسىمەن قۇرىلعان بولاتىن.
سونىمەن قاتار «اتامەكەن» ۇكپ-نىڭ 1432 جەدەل-بايلانىس ورتالىعىنا تۇسكەن وتىنىشتەردىڭ بارلىعى نازاردان تىس قالمايدى. بۇگىنگە دەيىن «اتامەكەن» ۇكپ-نا 108 كاسىپكەر شاعىمدانعان. ولاردىڭ 71ء-ى اقتوبە وبلىسىنان، 11ء-ى باتىس قازاقستان وبلىسىنان، 26-سى قوستاناي وبلىسىنان ارىز تۇسىرگەن.
قازىرگى تاڭدا حالىققا الەۋمەتتىك-ەكونوميكالىق جانە گۋمانيتارلىق كومەك كورسەتۋدىڭ ماڭىزى زور. تاۋ-كەن مەتاللۋرگيا كەشەنىنىڭ كاسىپورىندارى زارداپ شەككەن ايماقتاردى تەز ارادا قالپىنا كەلتىرۋ ءۇشىن 800 ملن تەڭگە قارجى ءبولدى. سونداي-اق، سۋ تاسقىنى كەزىندە بيزنەسىنە زيان كەلگەن كاسىپكەرلەرگە «اتامەكەن» ۇكپ قىزمەتكەرلەرى ءبىر كۇندىك جالاقىسىن اۋدارۋ تۋرالى شەشىم قابىلدادى.
مەملەكەت باسشىسى قاسىم-جومارت توقايەۆ «ءبارىمىز ءبىر ەل، ءبىر ۇجىم بولىپ وسى اپاتتى ەڭسەرۋىمىز كەرەك» دەگەن بولاتىن. ءبىر جەڭنەن قول، ءبىر جاعادان باس شىعارساق بۇل جاعدايدان دا وتەمىز. قيىن ساتتە ءوز ازاماتتارىمىزعا قول ۇشىن بەرىپ، كومەكتەسەمىن دەگەن جومارت جاندارعا «كۇشىمىز بىرلىكتە» قورىنىڭ رەكۆيزيتتەرىن جولدايمىز.
بسن 220140002583؛
«بانك سەنتركرەديت» اق ەسەپتىك شوت: KZ268562203115072353؛
«بانك سەنتركرەديت» رەكۆيزيتتەرى:
بسك/بيك (SWIFT) KCJBKZKX
بسن/بين 980741000260 كنپ 119
