ساۋد ارابياسىندا اۋا رايىنىڭ قولايسىزدىعى جەرگىلىكتى تۇرعىندار مەن كورولدىك قوناقتارىن تاعى ءبىر توسىنسىيمەن تاڭعالدىردى: ەلدىڭ ءبىرقاتار وڭىرىندە قار جاۋدى. بۇل تۋرالى Al Arabia باسىلىمى جازدى، دەپ حابارلايدى Dalanews.kz.
مالىمەتكە سايكەس، قار تابۋك قالاسىن جاپقان، اۋا تەمپەراتۋراسى 4 گرادۋسقا دەيىن تومەندەگەن.
تابۋك پەن حايل وڭىرلەرىنىڭ تاۋلى ايماقتارىندا، اسىرەسە دجەبال-ەل-لاۋز تاۋى ماڭىندا كەڭ اۋماقتاردى قار باسقان.
سيرەك كەزدەسەتىن مۇمكىندىكتى پايدالانعان جەرگىلىكتى تۇرعىندار مەن ءوڭىر قوناقتارى شاڭعى تەۋىپ، شانامەن سىرعاناپ، قار ۇستىندە سەرۋەندەگەن. ولاردىڭ ۆيدەولارى الەۋمەتتىك جەلىلەردە جىلدام تاراپ، قىزۋ تالقىعا ءتۇستى.
ساۋد ارابياسىنىڭ ۇلتتىق مەتەورولوگيا ورتالىعى بۇعان دەيىن ايماققا سوققان تەرەڭ سيكلوننىڭ اسەرىنەن اۋا تەمپەراتۋراسىنىڭ كۇرت تومەندەۋى جانە قار جاۋۋى مۇمكىن ەكەنى جونىندە ەسكەرتۋ جاساعان.
