Saýd Arabıasynda aýa raıynyń qolaısyzdyǵy jergilikti turǵyndar men koróldik qonaqtaryn taǵy bir tosynsyımen tańǵaldyrdy: eldiń birqatar óńirinde qar jaýdy. Bul týraly Al Arabia basylymy jazdy, dep habarlaıdy Dalanews.kz.
Málimetke sáıkes, qar Tabýk qalasyn japqan, aýa temperatýrasy 4 gradýsqa deıin tómendegen.
Tabýk pen Haıl óńirleriniń taýly aımaqtarynda, ásirese Djebal-el-Laýz taýy mańynda keń aýmaqtardy qar basqan.
Sırek kezdesetin múmkindikti paıdalanǵan jergilikti turǵyndar men óńir qonaqtary shańǵy teýip, shanamen syrǵanap, qar ústinde serýendegen. Olardyń vıdeolary áleýmettik jelilerde jyldam tarap, qyzý talqyǵa tústi.
Saýd Arabıasynyń Ulttyq meteorologıa ortalyǵy buǵan deıin aımaqqa soqqan tereń sıklonnyń áserinen aýa temperatýrasynyń kúrt tómendeýi jáne qar jaýýy múmkin ekeni jóninde eskertý jasaǵan.
