Prezident óńirlerdi damytý kezinde qurylys sapasyna erekshe mán berý qajet ekenin aityp, jol salasyndaǵy jaǵdaidy synǵa aldy, dep habarlaidy dalanews.kz.
Memleket basshysy sońǵy jyldary elimizdiń barlyq aimaǵynda turǵyn úiler, áleýmettik nysandar men joldar qarqyndy salynyp jatqanyn atap ótti. Onyń aitýynsha, Qazaqstan tutastai úlken qurylys alańyna ainalyp keledi. Alaida qurylys jumystary sapaly ári belgilengen merzimde oryndalýy kerek.
«Memleket aimaqtardy damytýǵa turaqty túrde basa mán beredi. Bul – memlekettiń basty mindetiniń biri. Sońǵy jyldary osy baǵytta aýqymdy jumys atqaryldy. Elimizdiń ár aimaǵynda turǵyn úiler, áleýmettik nysandar, joldar qarqyndy salynyp jatyr. Qazaqstan tutastai úlken qurylys alańyna ainalyp keledi. Muny bárińiz de kórip-bilip júrsizder. Eń bastysy, barlyq qurylysty sapaly ári ýaqytyly júzege asyrý óte mańyzdy. Keide jańadan salynǵan keibir nysandardyń sapasy syn kótermeidi, tipti, qoǵam talqysyna túsip jatady.Osyndai salǵyrt jasalǵan jumystyń kesiri qaiǵyly jaǵdaiǵa ákep soqtyrýy da múmkin. Bul turǵydan alǵanda, jol salasyndaǵy ahýal da máz emes. Mysaly, «Taldyqorǵan – Óskemen» kúre jolynyń ashylǵanyna kóp ýaqyt ótpese de, toza bastaǵan. Sondyqtan, jol sapasyn baǵalaý júiesin qaita qaraý kerek. Qurylys jumysyn basynan aiaǵyna deiin qatań qadaǵalaý qajet. «Jol aktivteri sapasynyń ulttyq ortalyǵy» mekemesiniń qyzmetin kúsheitý kerek. Jalpy, osy salaǵa túbegeili reforma jasaǵan jón. Qoǵamdyq baqylaýdy kúsheitý qajet», – dedi Prezident.
Memleket basshysy jol qurylysynyń sapasyn baǵalaý tetikterin qaita qarap, qurylys barysyn tolyq baqylaýǵa alýdyń mańyzyn atap ótti.
Sondai-aq ol «Jol aktivteri sapasynyń ulttyq ortalyǵynyń» jumysyn kúsheitýdi jáne salaǵa túbegeili reforma júrgizýdi tapsyrdy. Prezident bul baǵytta qoǵamdyq baqylaýdy da arttyrý qajet ekenin aitty.
