Ýkraina prezidenti Vladimir Zelenskii BUU Bas Assambleiasy otyrysynda Reseidiń Ýkrainaǵa jasaǵan shabýyldary men maidandaǵy shyǵyndary týraly aitty, dep habarlaidy dalanews.kz.
Vladimir Zelenskiidiń sózinshe, 2026 jyldyń basynan beri Resei Ýkrainaǵa 2,1 myńnan asa zymyran ushyrǵan, onyń ishinde 950-den astamy ballistikalyq zymyran bolǵan.
Sondai-aq, qańtar-tamyz ailarynda Resei Ýkrainaǵa túrli tiptegi 63 myń dron qoldanǵan. Olardyń ishinde 7,7 myńnan astamy - reaktivti "Shahed" drondary.
Ýkraina prezidenti qańtar-tamyz ailarynda Resei armiiasy Ýkrainadaǵy soǵysta 248 964 adamynan aiyrylǵanyn aitty. Onyń sózinshe, Ýkrainada Resei áskeri qyzmetshileriniń shyǵynyna qatysty beinejazbalar bar.
"Bul jai ǵana statistika emes, adam ómiri týraly sóz bolyp otyr", - dedi Zelenskii.
Onyń aitýynsha, Resei biyl osynsha shyǵynǵa qaramastan, Ýkraina aýmaǵynyń 1 myń sharshy shaqyrymnan sál asatyn bóligin ǵana basyp alǵan. Zelenskii bul aýmaqtyń edáýir bóligi keiin Ýkraina baqylaýyna qaitarylǵanyn aitty.
Zelenskii Reseidiń óz aýmaǵy 17 mln sharshy shaqyrym ekenin atap ótti. Onyń sózinshe, taǵy 1 myń sharshy shaqyrym jerdi basyp alý úshin Resei ár sharshy shaqyrymǵa 248 adamnan aiyrylǵan.
