Almatyda maýsymdyq virýstyq infektsiialardyń kóbeiýine bailanysty meditsinalyq uiymdarda qosymsha sanitarlyq sharalar engiziledi. 1 qazannan bastap barlyq meditsina qyzmetkerleri maska taǵýǵa mindetti bolady, dep habarlaidy dalanews.kz.
Qalada qazirgi ýaqytta jiti respiratorlyq virýstyq infektsiialardyń (JRVI) 19 myńǵa jýyq jaǵdaiy tirkelgen. Mamandardyń málimetinshe, naýqastardyń jartysynan astamy – 14 jasqa deiingi balalar.
Ázirge tumaý derekteri anyqtalǵan joq. Degenmen zerthanalyq tekserýler barysynda basqa da maýsymdyq virýstardyń taralyp jatqany belgili bolǵan.
Qala turǵyndary men qoǵamdyq kólik jolaýshylary úshin mindetti maska rejimi engizilmeidi. Alaida dárigerler adam kóp jinalatyn oryndarda betperde taǵýdy profilaktikalyq shara retinde usynady.
Mamandar turǵyndarǵa bólmelerdi jii jeldetip, qoldy muqiiat jýyp, kópshilik jinalatyn oryndardan múmkindiginshe aýlaq bolýǵa keńes beredi. Sondai-aq sýyq tiiý belgileri baiqalǵan jaǵdaida úide qalyp, syrqat balalardy mektep pen balabaqshaǵa jibermeý qajettigin eskertti.
