Prezident Qasym-Jomart Toqaev Qazaqstandaǵy saiasi ózgeristerdiń qorytyndy kezeńi retinde barlyq deńgeidegi máslihattarǵa sailaý ótkiziletinin aitty, dep habarlaidy dalanews.kz.
Memleket basshysynyń aitýynsha, qoldanystaǵy máslihat depýtattary Konstitýtsiia men zańdarda kózdelgen negizder boiynsha ókilettigi toqtatylǵanǵa deiin jumysyn jalǵastyra beredi.
Toqaev qazirgi máslihat depýtattarynyń basym bóligi «Amanat» partiiasynan sailanǵanyn atap ótti. Onyń aitýynsha, partiia «Ádilet» partiiasyna qosylǵannan keiin derbes qyzmetin toqtatqan. Osyǵan bailanysty tiisti zańdy rásimder aiaqtalǵan soń máslihat depýtattary korpýsynyń basym bóliginiń legitimdigi máselesi týyndaýy múmkin.
Prezident máslihattardyń azamattardyń jergilikti jerdegi múddesin bildirý, biýdjetterdi bekitý jáne óńirlerdiń damýyn baqylaý fýnktsiialaryn tolyqqandy atqarýy mańyzdy ekenin aitty.
Memleket basshysy jaqyn ýaqytta Premer-ministrmen jáne Quryltai tóraǵasymen barlyq deńgeidegi máslihattardyń ókilettigin merziminen buryn toqtatý máselesi boiynsha konsýltatsiia ótkizetinin málimdedi. Osy talqylaýlardyń qorytyndysy boiynsha tiisti jarlyqqa qol qoiatynyn aitty.
Odan keiin aldaǵy sailaýdyń naqty kúnin Ortalyq sailaý komissiiasy belgileýi tiis.
Prezidenttiń pikirinshe, bul qadam máslihattardyń bilikti ári kásibi quramyn qalyptastyrýǵa jol ashyp, olardyń jumysyna jańa serpin beredi.
