قازاقستاننىڭ ەڭبەك سىڭىرگەن قايراتكەرى، اكتەر ەركەبۇلان دايىروۆ ەلىمىزدەگى سۋ تاسقىنىنا بايلانىستى جەكە پىكىر ءبىلدىرىپ،شەنەنەۋنىكتەردىڭ جۇمىسىن سىناپ تاستادى، دەپ حابارلايدى Dalanews.kz.
“ەس بىلگەلى اقشا جيناپ كەلە جاتىرمىز. بۇرىن مەكتەپتە، سىنىپتىڭ جوندەۋ جۇمىستارىنا بولسا، كەيىن اۋىلعا سپورت كەشەنىن سالۋعا، ودان قالسا اۋىلدان شىققان ارداقتى اقىندارمەن، باتىرلاردىڭ تويىنا جينايتىنبىز. مىنە، اللاعا شۇكىر، اۋىل-ايماقتان كوتەرىلىپ، مەملەكەتتىك دەڭگەيدەگى ءىس-شارالارعا، ياعني تابيعي اپاتتارمەن ت.ب تولىپ جاتقان جاعداياتتارعا ات سالىساتىن بولدىق. كەيدە ماعان ءبىزدىڭ حالىق، اپانىندا جاتىپ الىپ، ءوز جاراسىن ءوزى جالاپ جازاتىن، ارىپ-اشىعان كوكبورىنى ەلەستەتەدى. قاسيەتىڭنەن، كەڭ جۇرەگىڭنەن اينالايىن، قايران حالقىم، قادىرىڭە جەتە الماي جاتىر-اۋ…
ال ۇكىمەت شە؟ كۇلتوبەنىڭ باسىندا كۇندە جيىن، ناتيجە جوق. زاڭنىڭ ءتۇرى اناۋ، مادەنيەت ونسىز دا تۇسىنىكتى. امالسىز وتكەندەگى ماقال قايتا ورالدى ويىما. “ءيتتىڭ يەسى بولسا، ءبورىنىڭ ءتاڭىرىسى بار” دەگەن ءسوز بار. ءبارى ءبىر اللاعا امانات! بۇل زاپىرانىما دا ۋاقىت ءبولىپ وقىندارىڭىزعا راقمەت!
باتىستى سۋ شايىپ بىتكەنشە، بيشىمبايەۆتىڭ ونلاين سوتىن تاماشالايىق اعايىن!”، – دەپ جازدى اكتەر الەۋمەتتىك پاراقشاسىندا اكتەر.
ەستەرىڭىزگە سالا كەتسەك، كۇن جىلىسىمەن قازاقستاننىڭ بىرنەشە ايماعىن سۋ باسىپ، حالىق ءقاۋىپسىز جەرلەرگە كوشىرىلىپ جاتىر.
